ZUALKO: Pu Zo Te (Hakha Peng Mi) Cu Mizoram Ah A Nunnak Liam Ruangmang E

India Ram Lung Rianṭuannak Hmun A Cimh Ruangah Hakha Peng Mi Pakhat A Nunnak A Liam.

May be an image of 2 people and outdoors

India ram, Mizoram, Saiyan pengkomh Sihhmui khua khuasa, Hakha peng mi Pu Zo Te(kum 45) cu, min nih a cimhhnawh caah a nunnak a liam. A ruak cu nizan November 30 zing sml 11:00 ah an char, tiah theih a si.

May be an image of 2 people and outdoors

Pu Zo Te cu Sihhmui khua ah inn hlan in amah lawng a ummi a si i lung rianṭiannak zong ah amah te lawng in a ṭuanmi a si, tiah theih a si.

May be an image of 2 people and outdoors

A luancia ni 4 hrawng in Pu Zo Te cu an hmu ti lo i inn ngeitu hna nih an lunghrinh caah an khua YMA hruaitu an va chimh hna, mino nih lung rianṭuannak hmun vawlei an hlai i a ruak le a rianṭuannak thilri he an char, tiah theih a si.

Pu Zo Te ruak cu sii-inn ah an kalpi i siibawi te nih khuaihlainak an ngeih hnuah an vui, tiah theih a si.

May be an image of 2 people and outdoors

Hramhram Uknak Chut-tu Min Aung Hlaing DSA Le DSTA Sianginn Dih Puai Ah Pyin Oo Lun A Phan Lai, Humhimnak Ca Ah A Khual Lam Le Caan Kong An Chim Chung Lo.

May be an image of 3 people

Hramhram uknak chut-tu Min Aung Hlaing cu Myanmar caan Dipa [December] 1 ah Pyin Oo Lun phanh ding a si i Dipa 2 ah ralkap training 64 nak dih puai ah aa tel lai. Cun DSAT sianginn dih puai zong ah aa tel lai tiah theih a si.

May be an image of aeroplane and outdoors

Dipa [December] 15 ah Meiktila Air Force (လေတပ်) ah tuahdingmi Ralhrang hna i Air Force Kum 75 tlin puai zong ah aa tel ding a si i mah puai ah cun Rusia ser SU-30 raltuknak vanlawng thar hmuhsaknak zong tuah an timh tiah theih a si.

May be an image of aeroplane and outdoors

”Air Force (လေတပ်) Kum 75 tlin puai cu hlunghlai tak in tuah a si lai, Rusia lei zong sawm an si i an ra lai. Vanlawng thar pawl zong hmannak tuah a si lai,” tiah ralhrang lei thawngthanh nak in theih a si.

May be an image of aeroplane and outdoors

Khual lam kong belte an humhimnak ca ah an chim chung lo tiah theih a si.

Source: Khit Thit Media