SAC Ralhrang Nih Tleirawl Pa (3) An Thah Hna I Pakhat Cu A Mit An Khoih Piak! Tuni ah SAC ralhrang nih tleirawl pathum an tlaih hna i, minung pakhat cu a mit an khoih piak tiah theih si. Hmanthlak hi Telegram SAC ralhrang spy network group sin ah langhter si.
An thah mi hna minung pathum hi tleirawl kum 18 in tanglei minung an si lai tiah an zumh hna.
Bia theih ning in, hithil a cannak hmun hi Sagaing ramṭhen chung ah si dawh si, hi ram ah hin kahdohnak fakpi in a chuah ruang ah SAC ralhrang nih hin tleirawl tlangval le nu hngakchia tampi an tlaih hna tiah theih si.
SAC Nih Hramhram In Thahnawnnak A Tuah Ruang Ah Tualchung Mi 2,950 Leng Nunnak Liam.
SAC nih uknak a laak kum 2 chung ah hramhram in kahdohnak le thahnawnnak a tuah ruang ah sualnak ngei lo mipi 1,950 nunnak a liam i, 17,604 tlaihkhih an tong tiah ramkhel lei thongtla bawmchantu phu AAPP nih a thanh.
Tutan ah langhtermi cazin hi 2021, February ni 1 in 2023, February ni 3 tiang AAPP nih a khomhsuatmi cazin a si i, atu ah langhtermi nakin a tak ah an tam deuh kho tiah a langhter chih.
Khuapau Dohthlennak chung ah nihin February ni 3 tiang ah hren a tongmi hi 13,825 an si, cu chung ah minung 2,311 hi thongthlak ding ah biakhiahnak tuahpiak cangmi an si. Thongthlak a tongmi hna chung ah thihdan pekmi dihlak hi 143 le luatnak a hmutu hi 3,796 an si.