Tedim Leiin Thawngchia, Ralhrang Bomb Nih Khuami A Puahhnawh Hna Caah Thi Le Hliamtuar An Um

Tedim Khua Hrambunh 269 Battalion Ralkap Nih Bomb An Phummi A Puah Ruangah Pa Pakhat A Nunnak A Liam, Nu Pakhat Hliamhma A Pu

May be an image of tree, outdoors and text

Chin ramkulh, Tedim khua um 269 Battalion ralkap nih bomb an phummi a puah caah pa pakhat cu, October 3 zaan sml 9:00 hrawng ah a nunnak a liam, nu pakhat zong hliamhma a pu, tiah theih a si.

May be an image of tree, outdoors and text

“Zaan sml 9:45 tluk ah bomb a puak i pa pakhat cu a hmun ah a thi colh. Nu pakhat tu cu hliamhma a pu i Kalaymyo ralkap sii-inn ihkhun 100 umnak ah an kalpi. Pa pakhat a thimi ruak tu cu an vui cang,” tiah tualchung mi pakhat nih a chim.

May be an image of tree, outdoors and text

A thimi pa cu Tedim khua Sakaw lam sang ummi San Chu rawl dawr ngeitu a vapa a si i, hliamhma pumi nu zong hi dawr ngeitu nu i a nau a si ve. Puahkehnak kong he pehtlaiin tualchung mi hna nih cun 269 Battalion ralkap nih an hmanhmi bomb a si lai, tiah an zumh.

Tualchung mi cheukhat nih a thimi pa hi SAC ralkap pension Captain pakhat a si, tiah an chim ko nain fiang tein hngalh a si lo.

May be an image of tree, outdoors and text

Ye Khua Ah SAC Ralkap Kuttang Rianṭuantu Khuabawipa Kahthah A Tong

Mon ramkulh, Ye khua Thiri Zeyar(သီရိဇေယျာ) sang ah SAC kuttang rianṭuantu khuabawipa Min Thein cu, nizaan October 5 zing sml 10:00 hrawngah kahthah a tong, tiah tualchung mi hna nih an chim.

Khuabawi Min Thein cu a inn hmai lakphak dawr a ṭhut lioah MSRO phu nih meithal in an kahthah hi a si.

MSRO ṭuanvo ngeitu Ar Kah nih, “Khuabawi Min Thein cu SAC ralkap he i bawm in tualchung mi cu an tlerh lengmang hna caah kan kahthah,” tiah a chim.

Min Thein cu a luancia kum 2010 lio in khuabawi a rak ṭuanmi a si i, SAC nih nawlngeihnak an lak hnu in ralkap he i bawm in rian a ṭuanmi a si. Anih hi SAC ralkap thawng petu dalan minthang a si, tiah theih a si.

Credit: The Chin Post