๐๐ฎ๐ป ๐๐ผ๐๐ต๐น๐ฒ๐ป๐ป๐ฎ๐ธ ๐น๐ฒ ๐๐ต๐ฟ๐ถ๐ต๐ณ๐ฎ ๐ธ๐ฎ๐ป ๐ฉ๐ฎ๐ถ๐น๐ฎ๐บ๐๐๐ป๐ด
Kan ram chung khuasa miphun pawl ah hin Mon hi mi upabik (civilized hmaisa) an si. Phundang cun Mon miphun hi siangpahrang ukphung a rak hmang hmasabik mi an si. Pahnihnak ah Rakhine hi an si _ upa chang an si. Kawl miphun hi cu zabu 11 hnu lawng in siangpahrang ukphung a hmangmi an si. Phundang cun, Mon le Rakhine hnu ah a hung thawng chom mi an si.
Asinain, nihin ni ah cun Mon le Rakhine siangpahrang hna an neh-nang pawl zapi hmuh awk le theih awk in a um tuk ti lo. Kawl miphun (Kawl saingpahrang) hna cu an phaknak paoh ah an neh-nang tang seh tiah inn, Lungphun le Pura tibantuk a ngan pipi an sak hna; zungzal hmun ding in fek tein an ser hna.
Cu pawl cu kum caan a rauh hnu ah cun an tuanbia biapi taktak ah an tang beh. An techin fapar hna tiang nih an tuanbia fiang tein an rel i an theih khawh. Hi ti an miphun tuanbia an tial dan hi zohchun awk a tlak rua tiah ka ruah.
Cu caah, tutan kan dothlennak hi Chin mi kan tuanbia ah a ngan taktak mi le philh awk tha lo ding a si caah CNA/CDF hna nih Hmunhma kan Khuarnak (kan Camp) paohpaoh ah philh lonak Lung Catial he Vailamtung a ngan pipi in phun cio hna u sih. Cun, Ralkap Camp kan lakmi hmun paohpaoh zong ah hin cu bantuk cun tuah hna u sih law vawlei a hmunh chung hmun ve ding in kan tuanbia hi tial ve hna u sih.
โHihi rian (Project) tuah ding ah a lungtling mi paohpaoh phaisa thazang i bawm hna u sih law CNA/CDF kut ah rian khinh pah in ap hna u sih tiahโ, kan sawm hna.
Note: August โ September 2022 chung kan Chinram chung khual kan tlawnnak in ka hmuhton mi in ka ruahnak kan hun hrawmh ve hna.
Credit: Thawng Tha Lian S