Pago, Zalohci khua (ပဲခူး၊ ဇလုပ်ကြီး) khah-mah-yah 589 ttat-yin cu KNLA phufonh nih luh hnawh in an kah hna caah ralhrang 13 an thi, Mattaya ah ralhrang pawl mawtaw cu mai boom in an thuat.
Paykhu ramkulh Zalohcii khua um ralhrang khah-mah-yah 598 tat-yin cu KNLA phufonh nih an kah hna ii ralhrang 13 an thi tiah theih asi.
November 22 zinglei suimalam pakhat le cheu hrawng ah Zalohcii khua khah-mah-yah 598 tat-yin cu khua veng tu KNLA tat le Nighthawks phoih nih an kah hna tiah theih asi.
Kah dohnak chung ah ralhrang tat khah mah yah 598 tat chung ah an office zung, hriamnam inn, bawi deuh an umnak, nu ralkap pawl an umnak sawng pawl a rawk ii council ralhrang 13 an thih pin ah 17 an ii hliam tiah Nighthawks phoih nih thawng an thangh.
Mandalay ramkulh Mattaya pengkulh Myaungtit khua in a rak chuak mi council ralkap ii mawtaw cu Shiashechiat khua pawng November 30 chun suimilaam 12 le minutes 40 ah boom in an thuat nak hna kong council ralhrang lei in tam deuh khawn den an tong khawh nak kong Sky Revolution lei nih thawang an thanh.
Kah doh nak cu Sky Revolution lei ttat khuai 1, Dawngshite Revolution ttat phoih Mattaya, Security and Special Task Force, Zamani mipi veng tu ttat phoih nih phufonh in an kah mi hna asi tiah theih asi.