A hmasa bikah Bawipa na cungah Kaalawmtuk e. ChinTube nih tuahmi, people’s Choice Award ah Ka phut lo Thluachuah le Mipi nan thazaangpek nak thawngin “ARTIST OF THE YEAR” ka van co i Bawipa min ka thangṭhat.
Cu laksawng ka co mi cu, Ka chiat ni ah siseh ka ṭhat ni ah siseh thazaang a ka pe pengtu Khuami nih Lawmhpi nak Laksawng le cawnglawmh nak ka van co ṭhan mi hi ka phu lo tuk ti kaa theih rualrual in ka lunglawmhnak sang chin.
Ka lungLawmhnak Mitthli hi a luang, Khuami vialte le ka Mino hawi nan cungah Kaalawmtuk hringhran e, Pathian nih thluachuah in pe chin ko hna sehlaw.
Mi tampi nih Ar zong nan ka thah caah Kaalawmtuk, Thluachuah ka hmuh mi ka rel i Bawipa cungah Lawmhnak a sang chin ee..
Nan dihlak Bawipa nih thluachuah in pe hna sehlaw..
Thailand Ah Myanmar Rammi (15) Tlaih An Tong: Kawthaung in Thailand ram Yanaung pengkomh ah a lutmi Myanmar rammi 11 le ngakchia 1 relchih in visa a dih cangmi Myanmar rammi 4 cu December 20 ah tlaih an tong, tiah No. 25 Thailand ralkap hna nih cathanh an chuah.
Kawthaung in Yanaung pengkomh ah tilawng in Myanmar rammi an luhnak kong cu Thailand nawlngeitu hna nih an theih caah checkhlatnak an va tuah, tiah theih a si.
Checkhlatnak kan tuah lioah cycle pakhat le motor pakhat cu an zam i Duyin dum chung inn pakhat ah an dir. Motor khaltu pa cu a zam i kum 21 in kum 41 karlak Myanmar rammi Pa (12) le Nu (3) a tlik tak hna, tiah an langhter.
Myanmar rammi hna cu Yangon in Kawthaung ah an kal i tilawng in ramri cu an tan hnuah Pickup motor in an kal. Khualtlawn kalnak man ah minung pakhat ah Baht 25,000 an dih, tiah theih a si.
December 20 hianhiam ah Karaburi-Chongphon bus a aihre mi cubgah visa a dih cangmi Myanmar rammi 4 zong Thailand nawlngeitu hna nih an tlaih chap hna, tiah theih a si.
Tlaih a tongmi Myanmar rammi 15 le a bawmchantu hna cu upadi ning in dantat dingah Karaburi palik sakhan ah an kuat hna, tiah theih a si.