Maw Pathian Aw! Min Aung Hlaing Le A Uico Pawl Nih Kan Naule Minung 7 An Thah Cang Hna Lai E

Dagon Sianghleirun Siangngakchia 7 Hna Cu SAC Biaceih Zung Nih Thih Dan An Pek Hna

May be an image of 7 people and text

Hranhram in nawlngeihnak latu SAC ralkap dohnak ah a cawlcang ngaingai mi Dagon sianghleirun siangngakchia 7 hna cu, nizan November 30 ah Insein thonginn chung biaceih zung nih thah ding in bia an khiahpiak hna, tiah theih a si.

May be an image of 7 people and text

2022 April 18 lioah SAC ralkap nih Khant Zin Win, Thura Maung Maung, Zaw Lin Naing, Thiha Htet Zaw, Hein Htet, Thet Paing Oo, Khant Lin le Maung hna cu ralkap uknak nan doh tiin an rak tlaih hna.

May be an image of 7 people and text

Cu pinah North Dagon Kabar Yatana(ကမ္ဘာ့ရတနာ) bank manager ralbawi Saw Moe Win thahnak kongah pehtlaihnak nan ngei an ti hna i thah ding in biaceih zung nih bia an khiahpiak hna hi a si, tiah theih a si.

May be an image of 7 people and text

Insein thonginn biaceih zung nih Dagon sianghleirun ah ca a cawngmi siangngakchia 7 hna cu section 302(a) in thih dan an pek hna , a taang rihmi case 2 zong checkhlatnak an tuah cuahmah hna, tiah theih a si.

May be an image of 7 people and text

A luancia May 24 lio zong ah N. Dagon No.45 sang bawi Khin Maung Than kah thahnak ah teltumnak nan ngei tiin mino 4 cu nizan November 30 ah thah ding in biaceih zung nih bia an khiahpiak ve hna, tiah theih a si.

May be an image of 7 people and text

SAC nih a luancia July thla ah 88 siangngakchia hruaitu Jimmy, Phyu Zeyar Thaw le minung 2 zong an rak thah cang hna.