Sagaing ramthen, Shwebu-Khin Oo-Ye Oo khua hna le mawtaw lamcung vialte hna cu Kawl ralhrang nih bomb an rak tarh/hmenh dih mi ruangah caw tam ngai zong bomb nih cun a puah hnawh hna i tu hi PDF pawl nih bomb pawl cu duhsah tein an kawl cuahmah i an thianh cuahmah lio asi tiah PDF leiin thawngpang theih asi.
November 25-27 tiang ah khan Kawl ralhrang thazaang 160 hrawng nih Shwebu-Khin Oo-Ye Oo karlak riahhmun an rak khuar hna i cu ka hmun pawngkam hrawng vialte cu bomb an rak tarh/hmenh dih caah khuami zong cu ka hmun hrawngah kal rih lo dingin PDF nih cun thawngthanh nak an tuah hi asi.
Kawl ralhrang nih bomb an tarh/hmenh mi nih cun khuami mawtaw pakhat zong a puah hnawh cang i sathil pawl zong a puah hnawh hna i an thi cang hna tiah theih asi.
Cu caah PDF pawl nih duhsah tein bomb cu an kawl cuahmah i tamnawn zong an chuah khawh cang ko nain bomb hi hmunkip ah an rak tarhmi asi caah duhsah in kawl cuahmah rih a hau ko tiah PDF nih cun an langhter hi asi.
