Halleluiah Tiin Au Phu Asi Hih! Ralhrangbawi 2 Telh In Uico Ralhrang Tamtuk An Thah Hna Hih

MNDAA sakhan kah dingin a rak ra mi kawl ralhrang pawl cu MNDAA (Myanmar National Democratic Alliance Army) nih faktuk in an rak phomh hna caah ralhrangbawi 2 an thi i an kuttang ralhrang zong tamtuk an thi rih caah kawl ralhrang pawl cu hnu an tolh than.

No photo description available.

China-Myanmar ramri ah a ummi Chin-Shwe-Haw hmunhma, Namh-Pha-Taung ah a ummi MNDAA ralkap le Kawl ralhrang hna cu faktuk in kahdohnak a chuah hnu in Kawl ralhrang leiin ralbawi 2 telh in ralhrang 10 an nunnak a liam tiah The Kokang thawngzamh nih an langhter.

May be an image of outdoors

November 27-29 tiangah khan Kokang, Chin-Shwe-Haw hmunhma, Namh-Pha-taung i a ummi MNDAA hriamtlai hna sakhan cu Kawl ralhrang nih thazaang tampi in an rak fuh hna i an sakhan lak dingin an rak kahdoh mi hna ruangah MNDAA zong nih an si khawh chungin an rak kahdoh ve hna i Kawl ralhrang leiin tamtuk an thihnak hi asi.

May be an image of 1 person and outdoors

Cu kahdoh nak ah cun Kawl ralhrang leiin Tat-Yin-Hmu zong faktuk in hliam a tuar i a thi ve ko lai tiah an zumh, cun Tat-Kuai-Hmu pahnih cu a hmun bakah an thi colh i an kuttang ralhrang 8 zong an ruak lak khawh loin an tlik taak hna hi asi.

May be an image of 1 person and outdoors

Kawl ralhrang lei cu tamtuk an thih cang caah le hliamtuar dang zong an tamtuk cang caah November 29, zanlei suimilam 3 hrawng khan cun MNDAA hmunhma in meter 200 tluk a hlatnak ah hnu an tolh cang tiah theih asi.

May be an image of outdoors