Zei tik hmanh ah lungdawngh hmang lo mi miphun kan si. Kan pipu chan in miphun le ram daw mi kan si. Kan Chinland, kan miphun caah kan pu tar, kan fa nau le aho hmanh ram chung um mi khuate lei ai thawh kho mi poh an i thawh dih. Miphun pi in dohthlenak kan tuah. Atak in i pek nak kan tuah.
Atu zong kan miphun ah, kawl miphun cung ah aum bak lo mi ralhrang hna nih tuk dohnak an kan um cang. A thi le hma pu zong, IDP in um mi zong kan tam pi. Chinland chung i bu kip hriam tlai kan tang ti dih kan i fun dih atu tluk in Chin miphun kan i fun um bal lo. Chim le rel hau tuk lo in tuan le tuah sernak in vewlei pi le kawl pawl theih in kan tun ko.
Amahbal cheu khat kan biaknak hruaitu pawl le khua nu khua pa ralhrang nih an hman hna. An i thei lo mi hi apoi tuk kan ti. Atu dohthlenak hi kan mi phun ah hnu bik siseh kan ti. Hnu kan i mer lai lo. Hmai ah thih ngamh in kan kal lai, a thei lo mi kha theih ding in cawn pek caan asi ti lo. Athei lo mi zong hnuh chinh in kan kal lai, mipi ral lawng si lo sehtan ral kan do ti in kan kal pi ko.
Chin ai ti mi poh chim le rel si lo in mah le ti khawh nak in itel cio ko uh. Ralpi thawh lio ah ai hnul sul mi zong, inn lo rawk zong a rawk mi an um lai, a thi mi zong um lai. Tei hlan tiang kan kal pi ko lai tiah CNF/A Solomon ThangDing nih a chim.