CNDF Nih Kawl Ralhrang 37 An Thah Hna, Thawngpang Fiang An Kan Thanh Cang Hih

Chin ramkulh, Falam peng le Sagaing ramthen, Kalay pawngkam ah a luancia September in November thla tiang, thla-3 chungah CNDF le Kawl ralhrang hna cu voi-12 an i kap ii kawl ralhrang leiin minung 37 an thi tiah Falam ralkap CNDF nih nizan November 30 ah khan thawngthanh nak an tuah hi asi.

May be an image of 5 people and outdoors

September 26 lio i Tu Phe khua kahdoh nak ah khan kawl ralhrang pakhat a rak thi, cun November 16 lio i Kalay khuachung kahdohnak zongah khan Kawl ralhrang pakhat a rak thih pinah pakhat hliamfak a tuar rih.

Cun November 19 lio i Bualte khua kahdohnak ah khan Kawl ralhrang 6 an thi i minung 2 nih hliamfak an tuar rih fawn, November 26 ah khan Kalay peng, Yazakyu khua (ရာဇဂြိုလ်ကျေးရွာ) kahdohnak ah khan Kawl ralhrang 3 an thi tiah CNDF nih cathanh an chuahmi ah cun an langhter.

May be an image of 5 people and outdoors

November 15-23 tiang kha Tibual khuaah kahdohnak pehtlai in a chiak peng i cu kahdohnak ah cun Kawl ralhrang leiin minung 26 an thi i Falam ralkap CNDF leiin minung pakhat nih hliam a tuar ve tiah an langhter chap rih fawn.

September thla in November thla tiang, thla-3 chungah CNDF nih kawl ralhrang 37 an thah hna i Falam ralkap CNDF leiin minung 5 nih hliam an tuar tiah an langhter hi asi.

May be an image of 5 people and outdoors

“Kawl ralhrang nakin kan hmunhma tlangram sining kan thei deuh, cun drone hi hlawhtling ngaiin kan hman khawh fawn, kan ralkap hna zong nih an raltha tuk hringhran mi ruangah Kawl ralhrang tamtuk kan thah khawhmi hna hi asi” tiin CNDF in chimnak nawlngei Salai Cung Ngai nih cun Mizzima thawngzamh sinah achim hi asi.

Bualte khua i kahdohnak a rak chuah lio ah khan kawl ralhrang nih Bualte khuami, lungthin tlamtlinglo zawtnak a ngeimi pakhat cu an kahthah i pakhat zong an rak tlaih, cun kawl ralhrang nih hriamngan an kahmi ruangah Tibual khua inn 3 zong a kaang tiah CNDF lei nih an langhter.

May be an image of 5 people and outdoors

September in November thlachung tiang kahdohnak ah Falam ralkap CNDF a bawm lengmang tu hna cu ZFU/PDF – Zoland ၊ CDF – CDM Siyin ၊ CJDC ၊ MEDF၊ CDF – KKG hna hi an si i hmunkhat teah Kawl ralhrang an doh tti lengmang hna tiah CNDF lei nih cun an langhter.

May be an image of 5 people and outdoors

April 13, 2021 kumah CNDF/CNO cu rak dirh asi i Falam pengchung 80% nih cun cohlanmi le dirkamh mi an si, cun nihin tiangah kawl ralhrang dohnak ruang i CNDF/CNO chungin nunnak a pe cangmi hna pasaltha le nusaltha hna hi minung 24 an si cang hna i pum tlamtling lo ah ai chuahmi hi minung 16 an si cang hna tiah an langhter hi asi.