Pathian In Demde Hmangin Mipi Ralkap A Hruai
CNDF Sniper Kaitu Bible Hruaia cun “Doawknak ih ka tontehmi pawl rel ding ahcun a tam tuk. Pathian in in humhim nasa. Veikhat ralhrang thawn kan doawk laiah ka ke kiangah RPG a tla ih a puak lo.
RPG thar tuk a sinan, ka kiang ahcun a puak lo. Tumkhat laitlang ih ralhrang thawn kan doawknak ah mi 17 hrawng kan si ding, kan dinhmun a tha lo ih kan tlan. Hramlak tupi hnuaiah kan hrantang ih khua a thim tikah ka hmai ih ka rualpa bek var lawng ka hmu thei.
Cuti beidong zetih kan um laiah damde tamtuk kan hnenah an ra ih an taw-eng thawn lam in hruai. Demce pawl cun nazi 1 sung in thlun ih anmah ruangah lamzin ka hmu thei ih, zinpi ah kan suak. A ropi ka ti tuk lawlaw ih, Pathian lamhruainak rori a si,” tin Rihli Voice Youtube Channel ah a sim.
Bible Hruaia hi ralhrang in rampi thuneihnak an lak ruangah ralhrang do dingin a suahsemnak Mizoram a suahsan ih Chinram ah tlungin, CNDF ah lut a si.