Myanmar Ram Lemcang Thiam Minn Oak Soe Cu A Tu Hi Thih Le Nun Ri Ah A Um!
Myanmar ram lemcangthiam Minn Oak Soe cu a tu hi thinlung buainak le lungrethei ngai in a um. A chungkhar le hawikom ṭha hna cu a nunnak ding caah thinpang in kan um tiah, an chungkhat minung pakhat nih Facebook ah a ṭial.
Fidi Minn Oak Soe cu lungzawtnak (Cardiac) ngeimi an si caah a tu hi lungzawtnak Ruang ah sii-inn ah sii bawi te nih an zohkhenh cuahmanh lio a si i, a nunnak hi an chanmanh lai maw chanhmanh lai lo a fiang rih lo tiah, Chindwin News ah theihternak an tuah.
SAC Ralhrang Nih Katha Peng Alaygyun Khua Ah Inn Pakhat An Khangh I, Inn Kang A Hmittu Bantuk In An I Langhter!
SAC ralhrang nih nizan khan Sagaing ram Myanmar in khawthlang lei ram, Katha peng Alaygyun khua ah inn pakhat an khangh i, meialh hi a hmittu bantuk in an in cawlcanghter.
Tualchung mi nih Chindwin an chimh ning cun, SAC ralhrang nih hin inn an khangh hnu ah an mah nih inn kang meialh hmih bantuk in an in umter tiah an chim.
A sinain, ralhrang lei tang nih an hman mi, Telegram i spy network ah cun SAC ralhrang nih hin meialh hmih an timhnak kong an tial ruang ah fak an hlawh ngai i, tualchung PDF cu inn khang tuah an puh hna.