Note: Salai Lungthli Tum nih zeitluk in dah CNA caah phaisa a rak thawh ve, zeitluk in dah a rak dirkamh ve hna timi a tial mi asi.
‘Salai Ltt cu miphun ralkap caah phaisa a thawh bal tung lo’ timi kong ah
Aanaa ting hlan le CNA ralkap meithal an puah hlan vialte cu kum khat ah CC nih $150 thawh ding an timi hmanh kha a thawh siang lomi nan rak tam tuk dakaw, CNA caah $1,000 cung a thawh timi pakhat tal zong ka rak in thei bal hna lo.
Kei cu 2017 kum ah CNA chungkhar hna caah $2,500 ka rak thawh. Mah lio hi kum 26 lawng ka si rih. 2018 hlan ah CNA caah keimah thawhmi zat a thawhtu pazeizat nan si hnga? Pa 10 nan tling hnga ma? Keimah kongchiat chim nak video in Facebook caw-ngia ah phaisa kawl in paw cawm ai timmi Khuabung pate LENG CUNG TLANG kha teh zeizat dah a rak thawh ve?
A dang chim awk tha lomi private bawmhnak ka pekmi zong a tampi. Ral an tuk hlan le daihnak an ser lio cu phaisa thawh kha kan caah tih a nung lo, tlaih a rak um lo.
Tutan raltuknak ca belte cu fangkhat hmanh ka thawh bak lo. Kan tei khawhnak ding lam a um bak lo tiah ka ruah caah asi. Kan mino pawl thihnak hmun ah a kaltertu raltuknak caah phaisa thawh khi indirect lainawng tluk a si tiah ka ruah i ka thlingza fawn.
Thihnak hmun an kal lonak hnga tu ah ka thlauh hna, nain phaisa thotu hna nih cun thihnak hmun ralram kal ding thazaang nan pek hna. Nan zumhnak a dik lo tiah ka ruah ko nain ram nan dawt ruang ah thazaang nan pek hna a si timi cu ka cohlang ve ko.
Luatnak hmuh cu kan duh dih. Nain, raltuknak nih luatnak maw a chuahpi lai or temtuar chin nak dah? timi zawn ah hin kan ruahnak ai dan cio hi a si.