PDA RALKAP THAH A TONG
Lai ramkulh, Tedim peng Kaptal khua pawng ah 23 Pur ah PDA (People Defense Army) ralkap Salai Do Shiang Pian (kum 28) cu meithal kahnak hliam hmunthum tuar in a nunnak a liam tiah theih a si.
Meithal kahnak hliam hi a lu, awrhlei kut, a hnulei ti’n hmunthum ah hliamtuarnak he hmuh a si, a ruak hi 25 Pur chun suimilam 12:00pm ah an vui.
Salai Do Shiang Pian cu atu tiang mizei nih dah an thah timi theihfian a si rih lo nain Kaptel khua ah bia i alnak in an thah theo lai tiah zumh a si.
Hi kong he pehtlai in PDF (People Defense Army) nih zei bantuk cathanh hmanh an chuah rih lo. Crd: The Lairam Times
Hriamnm Chuahsual Ruangah UFM Ralkap Pakhat A Nunnak A Liam. Sagaing ramțhen, Monywa peng um Unity Force Monywa phu in Ralkap pakhat hriamnam chuahsual ruangah nizaan June 24 zinglei ah a nunnak liam tiah theih a si.
Kum 23 a si mi ralkap MoeDi @ Kyaw Myo Kanh a si i June 23 ah SAC ralkap hna rallam an sial lio ah kah ding in meithal kuan an tuah lio ah a naaltak i a pang ah a khen, cu hliamhma in june 24 zinglei ah a nunnak a liam tiah Unity Force Monywa in Bu OkeSuai nih a chim.A ruak cu nihin June 25 zing Sml10:00 hrawngah tha tein kan vui cang tiah a chim chap.
Unity Force Monywa cu Monywa peng chung SAC ralkap le SAC a bawmtu paohpaoh thatho tein a dotu mizapi vengtu ralkap phu pakhat a si i atu a nunnak a liam mi ralkap tel in dohthennak chungah Unity Force Monywa in ralkap 4 an nunnak a liam cang tih Bu OkeSuai nih a chim.