Zaangfak Tein, Ralhrang Ruangah Kan Zaam Ti Awk A Hngal Kho Tilo, Puai Kan Zawh Tiah A Ruah E

Ral an Zaammi a Hngal lo, Civui kan Zawh tiah a Ruah. Mizoram ah a phanmi Laitlang ralzaam lak ah kum upa bik lei a si lai tiah ruahmi kum 93 putar nih ral an zaammi hngal loin civui kan zawh tiah a ruah i thil sining pawngkam mi a hal len hna.

May be an image of 1 person and indoor

A kum a upat cang pin ah a hna zong a chetmi a si.

“Civui hi zei tik tiang tuah a si lai. Zeitik ah dah khua lei kan tlun hna lai? tiin a hal len hna,” tiah Mizoram thawngzamhnak pawl nih an ttial.

May be an image of 1 person and indoor

Hi kan putar konglam he pehtlai hin The Chin Journal nih a min le a khua fiang in kan thei kho lo.

[English]

Unaware of the situation back home, 93-year-old Chin refugee who is almost 100% deaf has been constantly asking “How long is the conference.. when are we going back home…?

He thought that they all came to Mizoram to attend some gospel meeting/conference. Credit: The Chin Journal: September 27, Yangon

Adang: Hakha Khuasa Hna ca ah Ralrin Thawngthanhnak. Hakha khuasa hna ca ah Hakha Public Relation Team nih ralrin thawngthanhnak a tanglei bang in a tuah.

Hakha Khua um nulepa ulenau hna:

Atu hrawng cu khua chung kahdohnak ruang ah thinphang thlalau in kan um i mah inn hmanh ah it ngam loin a himdeuhnak chungkhat hawikom sin ah a riakmi kan tam ngaingai cang. Cu lawng siloin zanttim ah innkip milu chek le micheukhat tlaih in an kan luhhnawh tik ah kan thin a phang chinchin.

Cucaah, hi kong he pehtlai hin kan pastorte nih kap hnih ttuanvo ngeitu hna he ton biaruahnak ngeih hnu ah a tanglei bantuk in thawng kan in thanh hna.

1) CDF cu zapi himnak a ruatmi le zapi ca ah rianttuanmi an si bantuk in khuachung i kahdohnak a si khawh chung in hrial le zapi harnak phakter lo ding an kan zuampiak lai.

2) SAC ralkap nih khuachung i kahdohnak thok hmasa lo ding le zapi tlerhkhonhnak, a herh lo ah meithal puahnak tuah lo ding in i chimhchawnh a si caah thinphang tuk le lau tuk in um lo ding.

3) SAC ralkap nih inn kip ah vah in chungkhar cazin an chek tik ah ttih lo tein innka hunpiak i ingthawngsuh cazin (အိမ်ထောင်စုစာရင်း) hmuhsak ding. Chungkhar minung le sualnak ngeilo mi an tlaih ahcun a tanglei pastorte pehtlaih colh ding:

– Rev. Dennis Ngun Thawng Mang – 092451062

– Rev. Ni Cung Thang – 09421158480

– Saya Za Hnin Thang – 09442001362

4) Sang dang midang inn ah nan va riah a si ahcun ingthawngsuh cazin i ken ding.

5) Khua dang in Hakha ah a rak i dormi hna nih ingthawngsuh cazin i ken pin ah မြို့နယ်အုပ်ချုပ်စီမံရေးရုံး myone zung ah khualtlung cazin ဧည့်စာရင်း pekding.

6) Khua dang in siseh Hakha khuachung in siseh IDP Camp ah um a duhmi hna nih CCU Baibal sianginn Cawbuk le CCF i camp tuanvo ngeitu sinah pehtlaih in um khawh a si cang (Rev.Thawng Hlei Thang, Rev. Ni Cung Thang).

7) Inn le lo kan zamtaak tikah SAC ralkap pawl caah caan tha a si i inn le thilri a him lo chinchin caah Hakha khua chuahtaak in khuate lei kalding cu i timh rih loding in kan in sawm fawn hna.

Pathian nih in kilveng ko hna seh!

– Public Relation Team, Hakha

Leave a Reply

Your email address will not be published. Required fields are marked *