Thantlang Khuachung Kahdohnak Thawngthar Le Kawl Ralhrang Athi Mi Hna

Thantlang Khuachung Ah Chin Ralkap Le SAC Ralkap An I Kap,SAC Ralkap 2 An Thi

No photo description available.

A luancia June 23 zanlei ah Chin ramkulh Thangtlang khuachung ah Chin ralkap CDF- Thantlang – CNA ṭangṭi le SAC ralkap kahdohnak a chuak. Cu kahdohnak ah SAC ralkap 2 an thi i, CDF-CNA lei in a thimi le aa hliammi kan um lo, CDF Thantlang nih cathanh an chuah.

No photo description available.

Kahdohnak a dih a thaizing ah CDF Thantlang nih hmunhma zohfelnak kan tuah i hmun kip kakip ah thisen kan hmuh. Thawng kan theih ning ahcun SAC ralkap 2 an thi i, tam ngai hliamhma an pu, tiah an langhter.

May be an image of indoor

Sagaing Ramṭhen BanMauk Ah Bomb Nih Puah Ruangah SAC Ralkap Panga An Thi: Sagaing ramṭhen, BanMauk peng thlanglei ah rallam a sial mi SAC ralkap cu, PDF nih nizan June 26 ah bomb in an puahhnawh hna caah ralkap panga an thi, tiah theih a si.

May be an image of 3 people, military uniform and outdoors

Rallam a sial mi SAC ralkap pawl cu, Kathar pengkomh Battalion 2 le PDF ṭangṭi phu hna nih bomb in an puahhnawh hna i ralkap panga an thi. PDF ṭangṭi lei in a thimi le aa hliammi an um lo.

May be an image of 3 people, military uniform and outdoors

PDF nih bomb an puahhnawh dih hna in SAC ralkap nih hriamngan he hriamhme he an kah tuk caah, pawngkam khuate hna cu a himnak hmun ah an zam dih, tiah theih a si.

May be an image of 3 people, military uniform and outdoors

Nihnih Chung Ah Sittwe Le PuNaKyawn Khua In Minung 29 Cu SAC Ralkap Nih An Tlaih Hna Tiah AA Nih Chim: June thla chung ah Rakhine ramkulh, Sittwe le Punarkyawn (စစ်တွေမြို့နှင့် ပုဏ္ဏားကျွန်း) khua in tualchung mi 29 cu, SAC ralkap nih an tlaih hna, tiah AA nih cathanh an chuah.

A luancia June 23 ah Sittwe khua ah SAC ralkap nih, tualchung mi 21 an tlaih hna, cu chung ah kum 18 tling rih lomi minung 3 an i tel, tiah June 25 ah AA nih an langhter.

June 16-26 tiang ah Punakyawn khua in tualchung mi 8 cu SAC ralkap nih an tlaih hna i, kum tling lo pakhat aa tel.

Cu pinah Kyauktaw le MyoOo(ကျောက်တော်နှင့် မြောက်ဦး) khua in tualchung mi 20 leng SAC ralkap nih an tlaih hna, tiah tualchung mi hna nih an chim.

June thla thawk in Rakhine ram chung peng 4 AA nih, SAC ralkap le palik an tlaihmi hna hi 18 an phan cang.

AA sinah aa zammi SAC ralkap le palik hi a thong leng an si cang, tiah June 4 thawng fianternak tuah lioah AA in chimphuannak nawlngeitu Khine Tuh Khah nih a chim.