Wow! Thantlang Khuachung Ah Kahdohnak Faktuk In A Chuak, Ralhrang Ceilak An Thi

Nizan Thantlang Kahdohnak ah SAC Ralhrang 5 Hrawng an Thi. Nizan zinglei sml. 10:00-11:00 karlak ah Thantlang khuachung ah CDF-Thantlang le SAC ralhrang karlak kahdohnak a chuak i ralhrang panga hrawng an thi, tiah CDF nih thawng an chuah.

May be an image of sky, road, tree and text that says "THE CHIN JOURNAL I"

“Ralhrang panga nak tlawm lo an thih pin ah hliamhma a pumi an tampi lai tiah kan zumh. CDF lei hliamtuar kan um lo,” tiah thawngthanhnak ah an langhter.

May be an image of sky, road, tree and text that says "THE CHIN JOURNAL I"

Thantlang Khuachung Ngaingai ah Minung 8 Lawng an Taang. Thantlang khuapi zaamtak loin khuachung ngaingai ah khuahngak in a ummi hi minung 8 lawng an taang, tiah Thantlang khualuh lai lamthlang ah ngakttah sianginn a tuahmi saya No Mang nih nihin zaanlei ah The Chin Journal ah a chim.

May be an image of outdoors

“Atu Thantlang khuachung ngaingai ah cun minung 8 lawng an um cang. Inn 2 in an um. Dawng hnih in minung 3 hi inn khat ah an i fonh. A dang dawng thum in minung 5 hi inn khat ah an i fonh ve i cuticun khua chuahtak loin an um hna,” tiah a chim.

May be an image of outdoors

Kawl media ngan cheukhat nih Thantlang khua an chuahtak dih cang tiah nihin chun ah an ttial nain Thantlang ralzaam tawlreltu bu in ttuanvo ngeitu, Thantlang peng sipin haotu Pu Ram Khar le saya No Mang nih cun “Thantlang khuapi chung ah a taangmi minung an um rih ko,” tiah an chim.

Khuachung ah minung 8 an taang i, khualeng deuh ah a ummi saya No Mang ngakttah sianginn ah minung 20 zong an taang rih.

May be an image of outdoors

Nihin zinglei sml. 10:30 hrawng ah Thantlang khuachung in meithal kah thawngpang minute 30 chung hrawng a thanmi zong saya No Mang te singinn in an theih.

Credit: The Chin Journal

September 27, Hakha

Leave a Reply

Your email address will not be published. Required fields are marked *