Update: Tuchun Kawl Ralhrang Le CDF Kahdohnak Kong Ah CDF Tuanvo Ngei Upa Chimmi

June 10 Ralhrang Le CDF Kahdohnak. June 10, zinglei 10:00 am hrawngah Thantlang peng Khualhring Tlang ah ralhrang le CDF kahdohnak a um i ralhrang lei 16 an thi, CDF lei cu an him dih.

Kawl Ralkap Nih Khuate Minung 20 Tluk An Tlaih Hna -

Media cheukhat nih ralhrang lei 20, an thi, 21 an thi, 27 an thi tiah an tial, an chimmi cu a dik lo, a thimi dihlak 16 an si tiah tuanvo ngei upa pakhat nih a kan chimh. Thawngpang tlamtling deuh in kan vun update than lai. Credit: The Chin Post

India-Myanmar Ramri Ah Kawl Ralkap 13 Tluk An Thah Hna - DUHNUNG PAR

Relchap: Nizaan June 9 ah KNU/KNLA bawizik Gen. Saw Gyaw Ni nih KNU chairman Saw Mutu Sae Poe ruahnak bantukin KNU/KNLA cu NCA framework ningin kan kal lai tiah a chim mi cu anmah pumpak ruahnak lawng a si tiah KNLA adjutant general in Brig. Man Shia Htoo Wong nih a chim.

General Mutu Sae Poe nih May 10 ah tulio ramkhel kong he pehtlaih in KNU nih NCA lam ning tein chawnhbiaknak kan kalpi lai. Bu dang dang hna zong nih NCA lam zulh in remdaihnak kilven cio dingin kan duh tiah amah pumpak ruahnak a rak thanh bal.

KNLA army chief nih nizaan ah KNLA cu KNU thithruainak tangah a kal mi kan si bantukin kan chairman ruahnak bantukin kan kal lai tiah a thanh caah mi tampi ruahnak ah KNU/KNLA nih ralhrangbu cozah a cohlan ko tiah ruahnak ngeih cio a si.

Hi kong he pehtlaih in Brig. Man Shia Htoo Wong nih “Gen. Saw Gyaw Ni cathanh hi KNLA Central General Office nih kan thei rih lo, a cathanh hmanh kan hmuh rih lo” tiin Myanmar Now sinah a chim.

Kan ruahnak bantuk cu a si lo, nain pumpak ruahnak lawng a si i zeihmanh fehternak a um lo. Pumpak ruahnak cu a ho cio poh nih ngeih mi a si ko. KNLA nih NCA lam in kan kal lai ti mi kan ngei lo. 2020 December thla ah kan rak thanh cang bantuk khan kan si ko. Mah cungah fek tein kan dir peng ko lai tiah a ti.

Ralhrangbu nih uknak an lak hlan 2020 december 1 i an cathanh mi ah “NCA min kan thut cang ko nain NCA ah a tel mi ralkap kong le caan karlak tuah dingah hnatlak cia mi pawl kan tuah khawh lo hlei ah NCA a buarmi cungah JMC zong tha tein rian a tuan kho lo.

Ralhrangbu nih hmunhma an kauh mi pawl 2021 kum dih hlan ah an zuh than lo ahcun KNLA nih kan ram venhimnak cu kanmah tein kan tuah hrimhrim lai tiah an langhter.

Ralhrangbu nih nawlngeihnak a lak hnuah KNU brigade 5 ah kahdohnak tampi a chuah pinah ralhrangbu nih nawlngeihnak an lak mi kongah KNLA nih kan pom kho lo, mahcu ralkap lei ruahnak a si tiah a chim.

KNU hi NCA minthut mi tlangcung hriamtlai bu 10 lakah bu ngan cem a si i, NCA minthut bu 10 nih fonh mi Peace Process Steering Committee- PPST chungtel zong a si. Ref; Myanmar Now

Credit: The Chin Post

Leave a Reply

Your email address will not be published. Required fields are marked *