Uico Lubo Min Aung Hliang Ruangah Kawlram Cu Vulei Cung Ram Ngan Nih An Chuah Taak Cang

Ralhrang nih nawlngeihnak an lak hnu ah ramkip i company ngan hna nih Kawlram cu an kaltak February 1 thok in Min Aung Hlaing nih hruaimi rallokap phu nih Kawlram nawlngeihnak cu an lak.Nawlngeihnak an lak hnu thlaruk a rauh ah Kawlram chuaktak beh ding in le rian ngol ding in timhtuahnak a ngei mi ramkip company ngan in 11 tiang a um tiah theih a si.

Mipi nih thim mi cozah cu thlak in, ralhrang nih nawlngeihnak an lak ni February 1 hnu thok in Japan, Singapore,Thai, Australia, Malaysia,Pintit, Hawungkaung le Norway ram in company ngan hna nih Mawlram ah business tuah ti lo ding in bia chahnak an tuah.

Ralhrang nih nawlngeihnak an lak ruang ah Kawlram beer zuarnak cu 46% tiang a tum tiah May thla ah chuahmi cathanh ah hmuh a si.Kawlram ah zuarkhawh ngai mi Red Ruby le
Premium Gold kuak a chuah mi company Virginia Tobacco company cu Uu paing le RMHS hrawm in tuahmi a si i uu paing cu ralhrang kuttang ah a dir mi a rak si.

Virginia Tobacco i phaisa lut cu fianghlang ten checkhlat ding ah nawl a si nain Uu Paing nih a duhlo caah RMHS le Uu Paing karah nawlngeihnak lak hlan December thla ah buaibai nak a rak um cang.

Singapore business ngeitu  Lim Kaling cu  a dang company leng ah Razer company zong a tuahchih mi a si.Pintit cozah tambik a ngei mi Électricité de France (EDF) zong nih, nawlngaih nak la tu ralhrang nih nuhrin covo a tlinh lo ruang ah American dollar 1billion man timhtuah nak cu a ngol.A ngan tuk mi ti lei electric thazaang timhtuah nak ngeih mi Shweli  (1) timhtuah nak a ngol nak kong cu Pintit company EDF nih March thla chung ah khan a langhter.

North Shan lei Shweli tiva cung tuahding,timhtuahnak cu Electric meka word 670 leng chuahding in timhtuahnak rak ngeih a si i,Japan ram in Marubenj comparation le Kawlram in Ayaheinta company zong tel mi timhtuahnak cu 2025 kum ah dihding a si.

Nawlngeihnak la tu ralhrang Min Aung Hlaing nih ti lei electric thazaang lakding timhtuahnak a ngeih ve lio ah nawlngeihnak a lak mi kong ah Pintit company nih a lungtlin lo caah cu timhtuah vialte cu a ngol hi a si.

Pintit company bantukin ralhrang nih nawlngeinak an lak mi kong ah a lungtling ve lo mi Australia zinan company ngan si mi Woodside zong in a riantuan pawl cu auhthan in zinan kawlnak rian a ngolnak kong cu February thla dih ah an langhter.

South Korea ram in POSCO company tuannak nawlnngeihmi  AD-7 le China ram ngeih mi CNPC company AD-8 tithuhnak tuah mi rian pawl hna le zinan kawlnak rian hna cu Woodside company nih a tuah piak.

Malaysia cozah ngeih mi Petronas zinan company zong hrialawk a tha lo mi ruang ah  Mohdamah(မုတၱမကမ္းလြန္) gase chuahnak timhtuahnak an ngolnak kong cu April 1 ah langhter a si.

Thai ram in a nganbik inn le innhmun lei company ngan pakhat si mi Amata phu zong nih kawlram ah an tuahcuahmah mi dollar 1 billion timhtuahnak a ngolnak kong cu nawlngeihnak lak hnu February 2 ah an langhter.

Ralhrang nih nawlngeihnak lak ruang ah Yangon ramthen ah tuahcuahmah lio mi
Yangon Amata Smart and Eco City timhtuahnak cu Thai company ngan nih a ngol.

Buchoh Aung San lam le Soelay lam ah tuah mi dollar 130 billion man timhtuahnak ah
Hongkong and Shanghai phu cu 70% an si i,30% cu kawlram minthang Business ngeitu si mi U Thein Wai i Yoma Strategic Investments le FMI company nih ngeihmi a si.

Singapore company ngan pakhat si mi Sembcorp zong Yangon ramthen Hleku ah tuahding in timhtuahnak ngeihmi dollar 230 billion man timhtuahnak cu ngol a si.Cu timhtuah nak ah cun Sembcorp company 67%, ramchung in City Mart le MAPCO company nih 33 % tel in thok mi a si.

Japan ram minthang TOYOTA motor company cu kawlram ah tuahding in timhtuahnaj cu nawlngaih nak an lak February thla chung ah an ngol.

Ralhrang nih nawlngeihnak an lak hlan 2020 kum donghnak thlathum le 2021 kum nawlngeihnak an lak hnu thlathum tahchunh ah cun minung 1.2billion nih rianlo in an um.

#Myanmar Now

Leave a Reply

Your email address will not be published. Required fields are marked *