Uar An Um Tuk E, Min Aung Hliang Khuatlawn Aa Timhnak Hmun Ah PDF Nih Ready Kan Si An Ti

Min Aung Hlaing kal aa timhnak Puta-O-PDF pawl timhcia an si cang.

Kachin Ramkulh Puta-O ah kal aa tim mi Min Aung Hlaing a phanh ahcun ralthawh ding ah timhcia (ready) kan si cang, tiah Puta-O-PDF nih September 28 ah an thanh.

Hi kong ah Min Aung Hlaing cu September thla dongh asioah October thla thokka hrawng ah Kachin Ramkulh Puta-O a tlawng lai, ti mi thawngpang a leeng mi he pehtlai in PDF pawl timhcia in an umnak a si, tiah theih a si.

A luancia September 19 lio ah Min Aung Hlaing cu Puta-O ah kal a rak i tim nain amah rungvengtu ding pawl kha KIA nih cuka lei umkalnak nawl an pek hna lo ruang ah an i leet i atu hi a thar in kal aa tim than, tiah PDF Channel nih a tial. The Hakha Times

Adang: Mizoram ah Laimi nih kanmah tein kan i uk ve khawhnak Lai Autonomous District Council (LADC) lutlai Chief Executive Member(CEM) Pu V. Zirsang cu LADC zungpi, Lawngtlai khuapi chuahtak in ralzaam nih an fuhpanh biknak Sangau tlangdang lei ah tlawng dingin tuzing ah khan a chuak i, tuzanlei suimilam 5:00 hrawng ah Sangau Tourist Lodge a phan.

Pu V. Zirsang, CEM LADC hi Lawngtlai lei in MNF District Headquarters hruaitu le cozah lutlai zeimawzat nih an zulh i,Sangau khua a hung luh ahhin Sangau khua mipi, Party hruaitu, VC le NGO hruaitu hna le cozah riantuan zeimawzat nih Sangau Tourist Lodge ah sunglawi taktak in an rak don i, CEM donnak ah hin LADC hruaitu dang Pu L. Daniel, Executive Member(EM), Pu JB. Vanhoi, Executive Member(EM) le Pu BN. Thangpui, Executive Member(EM) hna nih nih an telpi.

Pu V. Zirsang hi thaizing Sangau ah a caam lai i, Sangau khua kiangkap khuate ah kal in refugees dirhmun zong a zoh pah hna lai, kiptuh lei ah a kir than lai, tiah thawng kan theih. The Chin Post

Leave a Reply

Your email address will not be published. Required fields are marked *