Tuzing Ah Cakei KIA Pawl Nih Uico Rual An Thah Mi Hna Le Hliamtuar An Tamtuk Ning Cu

Hi cu thawngpang tha tuk a si ka ti ko keimah nih cun, aruang cu mipi cungah ningcang lo le phungning loin rian a tuan mi hna Kawl ralhrang pawl hi tei dih si hna sehlaw Kawlram hi daihnajk in akhat ko hnga.

Tuzing ah KIA pawl nih Kawl ralhrang pawl cu BanMaw (ဗန်းမော်မြို့သစ်) ah minung 30 leng an thah hna, minung 80 lengkai hliamhma an tuar tiah thawngzamh nih an rak langhter. Kachin ramthen, Banmaw (ဗန်းမော်မြို့သစ်) myohthar pawng i kahdoh nak hmunah KIA pawl nih kawl ralhrang lei tampi an thah hna.

Hi kahdoh nak hi tuzing ah a chuak mi a si i Kawl ralhrang pawl nih KIA pawl cu an rak fuh mi hna si, cun KIA pawl nih timhcia tein an rak bawh cang hna caah kawl ralhrang pawl cu 30 lengkai an thah hna, cun 80 lengkai hliam an tuar hnuah Kawl ralkap pawl cu hnu an tolh than tiah thawngthanh a si.

Kawl ralhrang pawl nih hriamnam ngan mi lawngte hmang in ngol loin an rak thah hna, cun Jet Fighter zong an hman zanlei suimilam 12 hnukhan voi 6 lengkai bomb an rak thlak tiah an langhter chih.

Asinain KIA pawl cu ralring tein an rak um cang hna caah Kawl ralhrang pawl vanlawng le meithal ngan pawl nih zeitin hmanh a rak tawng kho hna lo, anmah kawl ralhrang lei tu cu a thi mi le hliamtuar an tamtuk tiah an langhter hi a si.

Leave a Reply

Your email address will not be published. Required fields are marked *