Thawngpangtha: Nihin Zarhpini Kahdohnak Ah CDF Kanpetlet Nih Ralhrang An Thahmi Zat An Langhter

Nihin 28/11/2021 ni, chun suimilam 1:30pm le 2:40pm kar ah Kanpetlet khuapi chung ah CDF Kanpetlet le SAC ralhrang phu kar kahdohnak fah a chuak i, SAC ralhrang phu lei in ralhrang 6 thihdeng in hliamhma fak an tuar pinah ralhrang 3 cu a hmun ah an thi colh hna. CDF Kanpetlet lei in cun hliamhma tuarmi um hraw loin him tein hnu an tolh kho.

May be an image of text that says "1 CDF, Kanpetlet"

Tu kar hrawng CDF Kanpetlet le SAC ralhrang phu kar kahdohnak a um pah lengmang i Media lei zong ah thawngpang hal le thawngpang lak nan kan ngol rih nak lai le nan ti khawhnak lam in CDF Kanpetlet nan kan ttanpinak lai zaangfah kan in nawl hna, CDF Kanpetlet. Credit: Chinland Defense Force – Kanpetlet

No photo description available.

Coronavirus Phundang A Chuak Than Cang. WHO nih cun coronavirus phundang an hmuh thar than, amin ah Omicron tiah an sak. Omicron hi coronavirus chuak hmasa nakin a let tampi in aa thleng cang i, midang he i chawnh zong a fawi deuh, tiah WHO nih a chim.

Amid Concern Over New 'Omicron' COVID Variant, Mumbai & Gujarat Issue New Travel Rules

Coronavirus chuak thar ‘Omicron’ hi November 24 ah, South Africa ram ah an hmuh tiah, WHO nih a thanh. Hi coronavirus chuak thar ‘Omicron’ hi South Africa lawng si loin Europe le Asia zong ah hmuh a si cang. Botswana, Hongkong, Belgiam le Israel hna zong ah an hmuh, tiah BBC nih a tial.

Amid Concern Over New 'Omicron' COVID Variant, Mumbai & Gujarat Issue New Travel Rules

Omicron a chuak, tiah thawng a than sin in vawleicung ram tampi nih Africa ram hna lakin an ram an khaar colh. UK nih cun Africa ram cheukhat, South Africa, Botswana, Namibia, Zimbabwe, Lesotho le Estwatini hna in British mi an si lo ahcun luh an siang rih lo.

Amid Concern Over New 'Omicron' COVID Variant, Mumbai & Gujarat Issue New Travel Rules

Hilio ah US cozah zong nih Africa ram cheukhat, South Africa, Botswana, Namibia, Zimbabwe Lesotho, Estwatini, Malawi, Mozambique ram hna zong in, cawn nikhat ni thok in US ah luh khawh a si ti lai lo, tiah an thanh ve.

Amid Concern Over New 'Omicron' COVID Variant, Mumbai & Gujarat Issue New Travel Rules

Coronavirus phundang in aa sermi Omicron hi vaccine nih a kham kho lai maw kham kho lai lo, aa fiang rih lo, tiah ngandamnak lei thiamsang hna nih an chim.