Thawngpang thar: Tuzing Hakha Thilcang hnuin Kawl ralhrang hna an dirhmun

Zei bantuk a si hmanh ah ralring tein kan um cu a herh mi a si ko cang. Lautuk le thinphang tuk hna cun kan um ding a si lai lo nain kan I ralrin le kan lungfim ngai cu a hau ko cang hih. Hakha ah bomb a puak mi ruangah Kawl ralhrang hna nih phundang ngai in cawlcangh nak zong a ngei kho mi an si.

Chinram SAC Chairman Pu Ngun San Aung Innhmai telh in Hmun 4 ah Bomb a Puak. Nihin zinglei sml. 4:00 hnu ah Hakha khua i Chinram SAC Chairman Pu Ngun San Aung innhmai telh in Hakha khuachung hmun 4 ah bomb a puak, tiah thawng kan theih.

SAC Chairman Pu Ngun San Aung innhmai ah a voi khatnak a puak i, a dang a puakmi pawl hi Chin-Oo-Sii sang Suhpawng zung hmai, Myanmar Economic Bank hmai le Khuathar i SAC thawngpetu (Dalan) an timi hna innhmai ah a si.

Bomb a puah hi zinglei sml. 4:05 in sml. 4:30 karlak ah a si. Bomb a puahnak hmun pawl ah ralkap pawl an phan dih i mi kawlhawlnak an tuah cuahmah.

Bomb a puakmi hi ahote nih dah an puah timi fiang in theih a si lo pin ah aa hliammi an um le um lo zong theih a si rih lo.

Credit: The Chin Journal