Thawngfiang Le A Hnubik Thantlang Inn Kaang Mi Kong, TCBC Biakinn Telhin Inn 50 A Kaang

Thantlang TCBC Biakinn Telh in Inn 50 Hrawng a Kaang. Nizaan November 24, zaanlei sml. 2:00 hrawng ah Thantlang khuachung ah inn an kaang tthan i nihin zinglei tiang ah Zunghmun sang i Thantlang Centenary Baptist Church (TCBC) biakinn telh in inn 50 hrawng a kaang tiah kan theih.

May be an image of fire and outdoors

Zunghmun sang ah biakinn telh in inn 39, palik sakhaan thlanglei ah inn 10 le Seihpyozi sang ah inn 3 hrawng an kaang, tiah Thantlang mino upa pakhat nih Khonumthung ah a chim.

This is the Christian Church burned down by the fire.

Atu ah cun mei a ciam cang i meikanghnak mei khuvai lawng an taang cang.September 9 thawk in nihin ni tiang ah Thantlang ah biakinn 3 telh in inn 250 leng a kaang cang.

Mogok khuapi Super Coffee Zung Ah Thilchuh An Tong, Manager Kah thah: Mandalay ramthen, Mogok khuapi, Kha- Taw- Hmi (ခါတော်မှီ)veng um Super Coffee sernak office cu: November 25 ni zinglei sml 9:00 hrawng ah meithal aput mi hna nih lut in Manager an kah thah i phaisa ting zaa leng an lak tiah khuami hna nih an chim.

Theih lo mi meithal tlai minung 6 nih Super Coffee zung chung cu an lut i Buri chung ah an thuhmi meithal cu an chuah i Manager cu an kahthah tiah an chim.

” Minung 6 an rak lut. Achung um mi minung poh cu an khup an kan bil ter i  kan an kut an kan thlir ter . An rak luh lio ah Manager cu ahmai aphiah lio asi. Manager cu meithal in voi 5 an kah ” tiah khuami pakhat nih achim. Manager cu a thin hmaka ah meithal hma he siizung aphan i athi tiah achim.

Zung chung ah minung hna tampi um lio ah methal aput mi hna nih cun Kudawng tlai tu cu phaisa an lak ter leng ah zung laptop le Computer hna zong an lak i zung phaisa sing zaa leng an lak tiah kan theih. Mah zung hi Super Coffee lawng si lo in thil phun 300 hrawng cu an ser nak zung asi.

Mah thil chuh kahthah nak cu zei bantuk phu nih an tuah ti kan thei rih lo. Mogok khuapi ah ralhrang nih nawlngeih nak an lak hnu ah thihchuh le fir nak hna hi atam chin.

Credit: The Chin Post