Thawng Thar: Thantlang Inn Kaang Mi Zat Langhter Chung Asi, A Tam Hringhran Ko Cang E

Thantlang khua inn a kaang than mi inn 10 in 20 kar hrawng sidawh a si, inn 220 tluk a kaang cang.

May be an image of fire and outdoors

Nihin November 24 zaanlei ah Thantlang khua Sianginn Sang (Certual kiangkap) ah a tlawmbik inn 10 in 12 kar hrawng le Palek-Leen liamlei (Lahva lei) ah a tlawmbik in 5 a kaang than i a dihlak ah inn 10 in 20 kar hrawng a si lai, tiah kan theih.

May be an image of fire and outdoors

Hi kong ah TCP zong nih inn 17 hrawng a kaang tiah an langhter ve.

Ralhrang nih Thantlang khua inn an khangh cang mi hi;-

Avoi 1nak September 9 ah inn=1

Avoi 2nak September 18 ah inn =19

Avoi 3nak October 29 ah inn =164

Avoi 4nak November 6 ah inn = 8

May be an image of fire and outdoors

Avoi 5nak November 9 ah inn = 2

Avoi 6nak November 10 ah inn =7

Avoi 7nak November 11 ah inn = 3

Avoi 8nak November 24 ah inn=10 in 20 kar (a fiang rih lo) tiin an khangh i a dihlak ah inn 220 dengmang an khangh cang, tiah kan theih.

May be an image of fire and outdoors

Biakilh: Hi inn kaang kong ah inn zeizat set a kaang ti cu The Hakha Times nih kan fehter kho rih lo i update than khawh kan i zuam lai. Credit: The Hakha Times

The Chin Post: Myiang peng ah khua (2) mei an kangh, khuami 1300 leng an zaam: Sagaing ramthen Myiang peng chung  Kyauk Tan nitlak lei(ကျောက်တန်းအနောက်) khua le Swe Ta Chung (ရွှေတချောင်း) khua hna cu ralhrang nih nihin November 24 ni zing sml 8:00 hrawng ah an duah i khuami 1300 leng a himnak hmun ah an zaam tiah khuami hna sin in theih asi.

“Zingkaa teah rallam an rak samh i an rak lut. Khua an luh lai ah hriamngan in an kah. Khuami hna zong thinphang in kan zaam. Khuami hna cu ahimnak hmun ah an um. Mei an duah mi inn hna cu inn zeizah asi tiah kan fehter kho rih lo. An duah lio pi asi. Lam hlat pi in kan cuanh” tiah Myiang peng ralzaam hna bawmchan tu phu chungtel pakhat nih achim.

Ralhrang hna nih Myiang peng chungah November thla thlakhat chung ah sualnak ngei lo mizapi inn an duah i voi 10 nak tlawm lo asi cang tiah khuami hna nih anchim. Ref: DVB

Leave a Reply

Your email address will not be published. Required fields are marked *