Salai Lungthli Tum: Salai Ngun San Aung Nih Ngol Thei Loin Pu Zobawi A Thangchiat Lengmangmi Hmuh Tikah Lung A Tha Lo

By Salai Lungthli Tum

Salai Ngun San Aung,

Tutan dothlennak ah Laimi nih kan zohthla bikmi Salai Ngun San Aung nih atu lio ngol thei loin Pu Zobawi a thangchiat lengmangmi hmuh tikah lung a tha lo, kan ral taktak kan philh sual maw ti awk in a um.

Bochan bakmi Salai Ngun San Aung Cattial mi cu Ngaihchia te bak asi ko ee, Mitthli rialti bang a Tlakter! – Thawngpang Dik

Pu Zobawi zong hi amah ti khawh tawk tein kum 20 leng ralkap cozah a rak doh ve i Chinram NLD hruaitu tiang a phanmi a si. Ralkap nih tutan tlaih in caan sau ngai hrem hmasami zong ah ai tel ve. Atu belte a kum upa ve cang caah dai tein a um khi a si.

Pu Zo Bawi : News Maker of the Year- 2017 - THE CHINLAND POST

Amah tein a um ko mi minung pakhat kha CDF hruaitu pakhat nih khiti a thangchiat lengmang tikah a ngaihchiami an tampi kho.

CDF ralkap lila ah siseh, CDF caah biatak tein fund a kawltu lak zong ah Pu Zobawi a tefa an tampi timi philh lo a tha. Zobawi khi CDF nan ral a si bak lo, amah doh caan a si bak lo tiah ka ruah. Nan ral aho dah asi timi philh hram hlah u.

Pu Zobawi hi kum no tein businessman a cang, atu inn asakmi khi amah innhmun a si. Hakha innman a fah biknak hmun ah keimah ka chuah hlan ah inn a rak ngei cang. A tthing tuk cang caah atu a thar in a sak than khi a si.

May be an image of 1 person

Hluttaw rian a tuan pah in tlorthing, grape dum, mansang thing cinnak dum tibantuk ekah tam taktak a tuah chih. Bungzung pawng ah kung 10,000 leng a cin. Kungkhat ah tingkhat man a si i kum 4 hnu zuar ahcun ting 10,000 leng ka ngah lai tiah media interview ah a rak chim bal.

Zephai zong ah tlorthing tam taktak a cin rih. Culawng hlah, US le Norway ah a fale an um. Hakha ah inn sak cu Laimi tampi nih tuah khawh ciomi khi a si ko. Zobawi a sakmi inn khi sui-inn asi hraw lo.

Salai Ngun San Aung, ram caah nai pumpekmi cung ah kan in upat. Kan ral taktak na doh caah kan i lawm. Nain, kan miphun caah tihnung a si lem lomi minung pakhat kha 2015 in tutiang ngol thei loin na dohmi cu kan ngol piak ko cang tiah kan nawl.

Dai tein a um komi upa pakhat kha CDF hruaitu nih ngol thei loin a doh lengmang tikah a hruaimi phu limhang a zor- thatnak a chuahpimi um loin chiatnak le i theihthiam lonak deuh a chuahpi.

May be an image of 1 person

Pu Zobawi a thangchiat khawh khi Min Aung Hlaing teinak caah a pelte hmanh a thahnem lo. ‘Anmah le anmah an i seh cang’ tiin uico rual an i lawm lehlam lai. CDF lakah NLD mino tampi an i tel, Zobawi tefa tampi an i tel ve. Lungfahnak le i theihthiam lonak a chuak kho.

Cucaah, hruaitu nih cun tuaktan huaha loin mah duh poah in pumpak rem lomi poah kha thangchiat awk a si lo. I sum deuh a tha.

Leave a Reply

Your email address will not be published. Required fields are marked *