Salai Lungthli Tum Nih Thil Sining Le Thawngpang Thar Ngai A Hun Langhter Than Cang

Salai Lungthli Tum: Lautu, Mara, Zophei, Zotung le Senthang hriamtlai phu hna nih joint committee an ser ve cang. Mah pengtlang hna hi a hlan tein unau kan si tiah ram tampi ah ZZLMS committee ser in civui le i hawikomnak bawlungpuai hna tuahti lengmang a si.

May be an image of 1 person

Atu cu hriamtlaih lei zong ah i naihniam deuh in riantuanti an i tim cang tinak a si. Tampi nih cun thiltha ah kan ruah ko lai nain cheukhat nih cun phan awk ah an ruah ve men lai.

May be an image of 1 person

Senthang CDF khi Hakha CDF he an i rem lo, CJDC zong ah an luhter duh hna lo. Nain, atu cu CJDC member 4 nih alliance an vun tuah tikah lungnuam lonak a um kho.

May be an image of 1 person

CNF le CBCUSA hruaitu an biachim zoh tikah duhsah tein pengtlang CDF pawl hi hrawh in CNF/CNA ah luhter dih an timh hna timi hmuh khawh ngai a si. Abik in CNF sin lawng ah bawmhnak phaisa luhter, mah tein a dirmi CDF pawl bawmhnak chah, CNF kuttang ah a lutmi CDF lawng phaisa bawmh ve ding khi biapi ngai in an i timhmi pakhat cu a si.

May be an image of 1 person

Nain, tutan ZZLMS hma an lak ning zoh tikah I theih thiam lo ahcun hmailei kan Chin miphun kar ah buainak nganpi a chuak te kho timi hmuh chung khawh a si — hriamtlai phu pakhat le pakhat kar ah i upatnak le i theihthiam nak a um a hau, i nek lo a biapi tuk te lai tinak a si.