SAC PA BOMB PUAH HNAWH A TONG

Mytel Tung a Remhtu Pa SAC Ralhrang Hmenhmi Bomb nih a Puah

Nihin chun sml. 12:00 hrawng ah Shan ramkulh, Muse peng, Namhuan khuate pawng i Mytel tung a remhtu pa cu SAC ralhrang hmenhmi Landmine nih a puah hnawh caah a orhlei kee a tan.

Bomb nih a puah hnawhmi pa hi Aung Thu tiah auhmi a si i, Mandalay khua Mytel Company ah rian a ttuanmi a si.

SAC ralhrang bomb nih a puah hnawh caah a orhlei kemit rii in a tang lei a bul.

SAC ralhrang ngeihmi Mytel tung pawl nitin in hrawhpiak an ton caah Myanmar ramchung hmun cheukaht Mytel tung kaingkap pawl ah SAC ralhrang nih Landmine an hmenh hna.

The Chin Journal

September 25, Yangon

A dang :Hakha COVID-19 Positive 13 an Hmuh an i Chap Hna

Nihin Hakha ah minung 58 an check hna i COVID-19 zawtnak a ngeimi minung 13 an hmuh chap hna.

Nizaan zong ah minung 45 an check hna i, minung 11 sin in COVID-19 zawtnak hmuh a si.

Hakha pastor pakhat nih, “Hakha khuapi COVID-19 zawtnak hi a tthat lei kan phan rih lo. A zual rih ko. Cucaah, i ralring ngaingai kan herh,” tiah a chim.

Nihin ah COVID-19 in a dam tthanmi minung 14 zong an um i, atu taing ah midam 828 an si cang.

Zawtnak an thlopbul liomi minung 131 zong an taang rih.

The Chin Journal

September 25, Hakha

(HTPH, Hakha)

 

Leave a Reply

Your email address will not be published. Required fields are marked *