Ralzam Hna Caah The Pastors Fellowship Hna Nih Bawmhnak An Kuat Tthan Hna

Nov. 28,2021_CCN: The Pastors Fellowship nih ralzam bawmhnak tlawmpal an vun kuat tthan hna tiah thawngpaang kan theih lawmh aum hringhran ko.

May be an image of outdoors

The Pastors Fellowship kuatmi facang hna cu, US lei cawn nithum ni ah, Tlangkhua ah tun 160 a phan. Vaphai a ummi Saya Ram Sang Zel bawmhnak in Tlangkhua kan phanh ter khawh. Amah nih Hmunthar tiang a va zulh hna lai i, an va phawt zamh lai.

May be an image of 4 people, people standing, tree and outdoors

Nithum ni thiam thiam ah Saiha in Hrihphi ah tun 160 a phan ve. Lungbun khuami Pu Paw Kha bawmhnak in a phanmi a si. Saya Cung Bawi Bik hrui nak in Congthia, Kuhchah, le Phaikhua ah tun 50 cio an va phawt hna. Kan i lawm tuk cio.

May be an image of 3 people, people standing, outdoors and text that says "EDCOM"

A tanglei ah Vaphai in Tio in, Tlangkhua an kalpinak hmanthlak le, Congthia, Phaikhua le Kuhchah ah facang an phawtnak hmanthlak tar chih asi.

May be an image of 5 people, people standing and outdoors

Christmas hlan ah, Tlangkhua, Tlangpi, Bungkhua, Tikir, Thau le Hriphi ah voi khat cio in facang ngalh ding kan i timh cuahmah lio a si. Thla kan cam piak cio u law tiah kan in nawl hna.

Source: Cung Lian Hup (Nancy Pa)