TaMu- Kalay Mawtaw Lampi Zulh Hrimhrim Rih Lo ding In TaMu PDF Nih An Thanh
Mizapi vengtu ralkap le SAC ralkap karlak ah kahdohnak a chuak kho asi caah Tamu- Kalay lampi zulh hrimhrim rih lo ding in PDF Battalion 2 nih cathanh an chuah.
TaMu pengkomh chung ah mipi hna nih nihin Jun 22 thok in TaMu – Kalay mawtaw lampi cu zawtfah ruang dah ti lo zulh hrimhrim lo ding in theihter nak an tuah.
Mizapi vengtu ralkap le SAC ralkap hna kahdohnak a fahtuk lio caan a si bantuk in mipi hna zong nih kan kham mi le kan thanh mi hna hi zei rello in nan um i kahdohnak chungah thil pakhatkhat nan can ah cun tuanvo kan nin lak hna lai lo tiah theihter nak an tuah.
Yinmarpin Pengkomh Ah June Thlachung Kahdohnak Voi 200 Tluk A Chuak. Sagaing ramtthen, Yinmarpin pengkomh, Pale (ပုလဲ), Salinkyi (ဆားလင်းကြီး), Yinmarpin (ယင်းမာပင်), Kani (ကနီ) peng hna ah June 1 in nihin tiang kahdohnak voi 200 hrawng a chuak tiah Yinmarpin PDF tuanvo ngeitu pakhat nih a chim.
Kahdohnak ruang ah ralzaam zong nikhat hnu nikhat an tam nain Yinmarpin pengkomh chungah ramchung ramleng bomb nak a phan lo ti tluk a si.
” Yinmarpin pengkomh ah Kani, SaLinKyi, Pale, Yinmarpin an i tel. Cu hmun hna ah cun kahdohnak a fak, June thla chung ah Yinmarpin pengkomh chung ah kahdohnak voi 200 thluk a chuak i SAC ralkap nih Drone an hman, 60mm lung 2 an thlaih i Drone in an kan kah. Tank tucu an i ken ko nain an hmanglo” tiah a chim.
YinMarPin peng ah June 21 zanlei Sml 3:30 hrawngah Monywa – YarKyi – KalayWah lam hmun pakhat ah SAC ralkap cu bomb puahhnawh an tong tiah khuami hna nih an chim.
Bomb puahhnawh an tonnak hmun cu Monywa- YarKyi – KalayWah lam meng 5 gate le BanBoi Yuamah khua karlak hmun pakhat ah a si i bomb puahhawh an si hnu ah SAC ralkap phu hna nih meithal an puah.
SAC ralkap bomb puahhnawh nak cu “ChoMineMine” Yinmarpin, Kani mizapi vengtu ralkap phufonh hna nih an tuah mi a si i SAC ralkap thimi le a hliammi an um nain a zat cu fiang in kan thei kho rih lo tiah PDF hruaitu nih a chim.
Credit: The Chin Post