Ralhrang Pawl Cu Raltha Ngai Bantuk In Thingchung Ah PDF An Kawl Ve Hna, Zei Ngaingai An Chuahpi Kho Lo

LuangLung Ah Ralhrang Nih PDF Hna Cu Ramlak Ah An Kawl Hna

Tanintharyi ramthen, Luang Lung (လောင်းလုံ)peng, Kaw Inn(‌ေဂါအင်း) khua Ge tuang pawngah November 23 zinglei ah thok in ralhrang thazaang 80 hrawng nih mizapi vengtu ralkap phu hna cu kawlnak hna an tuah tiah khuami hna nih an chim.

“Ralhrangbu thazaang 80 hrawng in hriamnam tling i put i. Ge Tuang (ကြယ်တောင်) pawng ah Ung Chiti dum(ဆီအုန်းခြံ), ramlak tlang cung hna ah mizapi vengtu ralkap phu hna cu an kawl hna. Mah lamlak ah cun mizapi vengtu ralkap hna an hmuh lo tikah chun hrawng ah an kir than tiah khuami pakhat nih achim.

“Nizan thok in thazaang tampi le hriamnam tling he an kawl hna. Hmunkhat ah an hmuh lo caah hmun dang ah an kawl than. PDF hna  an kawl hna tiah kan ruah ko. Khuachung ah um hmun khuar mi ralhrang phu hna an si” tiah khuami pakhat nih Than Lwin Times ah achim. Tu cu ralhrang thazaang 80 hrawng Kaw Inn (ဂေါ့အင်း) khua sianginn le phungki sianginn ah umhmun an khuar.

Kaw Inn (ဂေါအင်း)khuapawng Ge Tuang(ကြယ်တောင်) pawng ah November 21 ni zinglei ah ralhrang mawtaw pakhat bomb puah asi hnu hnu ah ralhrang le mizapi vengtu ralkap kar ah kahdohnak aum hi asi. Mah kahdohnak ah cun ralhrang 6 an thi i 3 an hliam, mizapi veng tu ralkap lei in(1) athi. Mah kahdohnak adih in ralhrang nih thazaang chap i mizapi vengtu ralkap hna cu ramlak ah an kawl hna hi asi. Ref: Than Lwin Times

Laica: The Chin Post

Leave a Reply

Your email address will not be published. Required fields are marked *