R I P: Saya Bawi Lian Thang Nih Tuzan Ah Akan Thih Taak Than Ruangmang E

RIP Saya Bawi Lian Thang. Myanmar Evangelical Christian Alliance i Ka EC tuan hawi, Falam kan pa Rev. Lincoln Bill i a upa Saya Bawi Lian Thang (Musician) nih tuzan suimilam 10:00pm ah mual a kan liam tak. Tantakmi chungkhar Pathian nih hnem ko hna seh. Musician ṭhaṭha kan sungh ni a si ko e.

Thawngpang dang …. Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi. Aluancia April thla chung ah Facebook ah biachiakha in CDF pawl a zuamcawhtu SAC ralhrang pa Yel Lin Aung cu July 30 ah a cangmi Mindat-Matupi karlak kahdohnak ah a thi, tiah CDM a tuahmi Myanmar ralbawi fanu nih a chim.

Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi

Yel Lin Aung hi Sagaing ramtthen, Katha ah hmun a khuarmi Kha Ma Ya (304) ah ralkap a ttuanmi a si i, Matupi ah a phanmi SAC ralhrang bu ah aa telmi a si.

June thla chung zong ah khan Yel Lin Aung le a dang SAC ralhrang pawl cu Hakha ah an rak phan i caan zeimawzat an caam hna.

Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi

Yel Lin Aung nih July 19 ah a donghnak bik Facebook ah a ca ttial. Cu a ca ah cun, “Kawlram chung kaa ziak bikmi khua lak ah Matupi zong aa tel cang,” tiah a ttial.

Mah hlan April thla ah khan Facebook Commend pakhat ah, “Nan Lai meithal he cun rak chuak uh. Ka z**g he nan i do lai,” tiah biachakha ngaiin CDF pawl a zuamcawh hna.

Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi

July 30 ah a cangmi Mindat-Matupi karlak mengtung no. 73 zawn i kahdohnak ah SAC ralhrang bawi Lt. Col. Zaw Zaw Soe telh in ralhrang 10 an thi, tiah CDF nih thawngpang an chuah.

Hi a thimi lak ah hin a cunglei i Yel Lin Aung zong hi aa tel. CDM a tuahmi ralbawi fanu lawng si loin Mindat mipi group pakhat zong nih Yel Lin Aung a thihnak kong cu an fehter.

Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi

Mindat group pakhat nih, “Matupi khua kaa ziak ngai cang a timi Yel Lin Aung cu Mindat le Matupi karlak ah non ah aa chuah cang,” tiah an ttial.

Yel Lin Aung i a hawipa SAC ralkap Si Thu zong nih, “RIP. Thla 3 hrawng lawng raldoh a cawngmi hna kut in na thih cu na paamhmai tuk ee,” tiah ngaichiatnak ca a ttial ve.

Credit: The Chin Journal

July 31, Yangon

Leave a Reply

Your email address will not be published. Required fields are marked *