R I P: Mizapi Vengtu Kan Paraltha Minung 4 Nih Tuzing Ah Nunnak An Pek Than

Ralhrang le KNDF kahdoh nak ah mizapi vengtu ralkap 4 an thi. Nihin November 25, zinglei 6:00-9:00 AM tiang Karani, Demawsu peng ah KNPP/KA, KNDF le Ralhrang kar kahdoh nak achuak tiah theih asi.

Hi kahdoh nak ah mizapi ralkap KNDF lei pali nih ram le miphun caah nun nak an pek. Ralhrang lei zong in a thi mi le hliamhma a pu mi zong an um nain pazei zat an si cu theih khawh asi rih lo.

Mukung, ChinChaitthan lei ah ralhrang le MNDAA kahdohnak a chuak: Shan ram thlanglei Mukung pengkomh Chin Chaitthan (ချင်ချိုင့်ထန်) lei ah ralhrang phu le MNDAA kar ah nizaan November 24 chun suimilam 11:52 ah kahdohnak thok in suimilam 4 leng tiang kahdohnak a chuak, ralhrang lei in a tlawmbik minung 3 an thi i MNDAA lei in minung 1 nih hliamhma a tuar tiah The Kokang thawngzamhnak nih a tial.

Ralhrang phu hna nih Kokang MNDAA umnak Manyan(မန်ရန်) hmunhma le Shigyijya(ရှိကျိကျ) tlang lei ah hriamngan kah in an doh caah nikhat chung ah hriamngan kuan dihlak (120) leng an kah i, Kokang MNDAA lei in minung 2 cu hriamngan nih a hliamh hna tiah theih a si.

Ralhrang phu hna i nichuah thlanglei regional military headquarters in khah-lah-yiah(ခလရ) 41 nih Kokang hmunhma 1, Mukung pengkomh chung ummi sakhan pakhat ah zinglei suimilam 10:35 ah an rat hnawh hna caah KNDAA he kahdohnak a chuak.

Cun Namlaw(နမ်လော) hmunhma nitlaklei ah ral lamsial in a kalmi ralhrang phu hna he minutes 40 chung tiang hrawng kahdohnak a chuak tiah The Kokang nih a langhter. Ref: Khit Thit Media

Credit: The Chin Post

Leave a Reply

Your email address will not be published. Required fields are marked *