R I P: Lai Nusaltha Nungak Ngun Za Ting Upatnak Kan In Pek

Kalay Lai Seino Bu, Volunteer Phu ah Treasurer a tuan lio mi Nu Ngun Za Ting (kum 31) cu July 30 zing, Kalaymyo ah mual a liam. Amah hi Thantlang Peng Vanzang khuami, Kalaymyo khuasami a si. A kong kan theih ning ah upat pek phu tak tak a si. Lai nusal lungput tak tak a neimi a si. Midang a bawmhnak caah a nunnak tiang a pek.

May be an image of 1 person, standing and sitting

Tutan Ngun Za Ting nih mual a kan liamtak nak kong he pehtlai in Dr. Suikhar, President, LZKB & KLSB zong nih hi ti hin a langhter “ Na miphun chanhchuahnak ding caah Frontline ah kal in mithmuh khawh lo ral doh in na nunnak na pek. Kan in siang lo, Kan in upat peng lai ” tiah langhter a si.

May be an image of 1 person, standing and sitting

A konglam kan theih ning ah annih hi: Mizaw le dam lo caah a si khawhnak lam paoh in a cawlcang, hmaisuang in chanchuahnak a tuah nak ah a mah zong tulio Pulrai zawtnak nih a tlak ve i, zarhkhat leng a kuah hnu ah a nunnak a liam.

May be an image of 1 person, standing and sitting

Covid mizaw an damnak ding, an nun chanhnak ding, eidi tirawl le Oxygen peknak le kawl piaknak, a herh nak kip ah hmaisuang in a cawlcang mi, tulio pulrai ral an kan doh piak cuahmah nak ah a mah zong Covid zawtnak nih a tlak ve hi asi, midang nun chanchuah nak caah a nunnak a thap tiah amah he aa thei hngal mi pakhat nih cun a chim.

May be an image of 1 person, standing and sitting

A lungput le a rianttuan nak hi uar a um tuk ee. Lai nusal lungput bak a si. Midang bawmh duhnak thinlung a neihmi siseh a nunnak tiang midang bawmhnak ca i aa pek hi upat lo awk a tha lo. Pathian nih tantakmi chungkhar dihlak umpi ko seh!

July 30, 2021 Chinland News

Leave a Reply

Your email address will not be published. Required fields are marked *