Phungki Pawl Nuam Taktak In Zuu An Din Lioah Palik Nih An Tlaih Vial Hna

Nizan August 29 zaanlei ah Thailand, Phuping palek nih Chiangmai, Suthep ah a ummi Wat Pan Sao phungki inn pakhat ah a bu in zu a dingmi phungki pawl an tlaih tiah Chiangmai news nih a tial.

Phungki hna hi Wat Pan Sao phungki inn uktu hna nih a hao hna i, zuu hi a dinpi hna mi a si. Zu a ding mi phungki hna hi 6 an si i, civil mi 1 zong a tel ve.

Mah phungki hna hi phungki si nak le phungning lo in khua an sak ruangah phungki cheukhat nih palek sinah an report hna caah an tlaih mi hna a si.

Phungki innchung kan va luh ah voksa le a meh phunphun, zu le beer he zu an rak din lio a si i, kan khuaruah zong a har ngai.Phungki uktu zong nih keimah nih ka dinpi hna mi a si tiah a phuan ti’n Phuping palek bawi nih a chim.

An dihlak in tuzing August 30 suimilam 8 ah palek sakhan ah biahal dingin an auh hna.Atu hi rikhiah mi lengin zu an din, an rit ruang le covid-19 zulhphung buar in a bu in an eidin ruangah tazacuai an si tiah Chiangmai News nih a tial.

Adang: NLD sang chairman inn ah ralhrang phu hna nih sui le phaisa ting 150 leng an fir Mandalay,Mahar Awngmay peng, Tanhliathmaw(သံလၽွက္ေမွာ္) nitlaklei sangah a um mi NLD chairman U Kyaw Oo cu ralhrang phu hna nih tlaihding in an kal hnawh, an hmuh lo caah an ngeih mi sui le phaisa (ting-150)man leng cu ralhrang phu hna nih an i kal pi.

August 28, zaan suimilam 11:30 hrawng ah ralhrang phu hriamtlai hna nih rathnawh in an chuh hna hi a si, U Kyaw Oo a chungkhar ralhrang hna nih an hremnak kong cu U Kyaw Oo a nupi nih Mizzima ah a chim.

“Inn hauka an vanluh ah kan dihlak in a kan bawhter, fakngai in an kan hrem, ka fapa zong a kut hri tem in an tuk,kan thilri zong an kawl dih, phaisa ting 15man0 leng cu an kal pi” tiah U Kyaw Oo a nupi nih a chim.

Ralhrang phu hna an rat than lai phanruang ah chungkhar ning in kan zaam.”Kan himnak ding caah hmundang ah kan um, a ngandam lo mi ka nu le ka pa zong hmundang ah kan thial hna.Inn ahcun kan um ngam lo” tiah U Kyaw Oo chungkhar pakhat nih a chim.

Credit: The Chin Post

Leave a Reply

Your email address will not be published. Required fields are marked *