November 24: Tuchun Ah Ralhrang Pawl Bomb Hmangin Tamngai An Thah Than Hna, Pasaltha Pawl An Him Dih

Pung-ngia tlang ah cycle in a kal mi ralhrang phu hna cu YDF nih an doh hna. Magway ramthen, Kyaw in Gangaw lei ah cycle he a kalmi ralhrang phu hna cu November 24, zinglei suimilam 8:30 ah Pung-ngia (ပုံညာ) tumnak ah Yaw hmunhma mi zapi vengtu ralkap YDF nih an kah hna caah ralhrang minung 10 hrawng an thi, hliamhma fak tuar mi zong an um tiah YDF nih cathanh an chuah.

YDF lei hliamtuar um lo in hnu an tolh kho, November 15 ni thok in ralhrang he kaphnih kar kahdohnak nitin in a fah lai caah mipi hna nih kahdoh a chuahnak hmunhma pawngah umkal lo ding in YDF nih cathanh an chuah. Ref: Khit Thit Media

Myaing Ah ralhrang Motor Run Bomb an puah hnawh hna, Ralhrang athi mi an um

Magwe ramthen, Myaing peng ah November 24 zing sml 10:00 ah Zinan (ရေနံ) phor motor 5 caah security a zul mi ralhrang motor run cu mizapi vengtu ralkap hna nih Rocket cheh in bomb an puahhnawh hna, motor pakhat arawk dih cikcek i motor cung um ralhrang 3 nak thlawm lo an thi, ahliam mi an gam tiah kan theih.

Cun Myaing PDF nih Zung (ဇုန်)(2) tatsuh – hmu Bo Moe Kaa (ဗိုလ်မိုးကား)phu hna cu November 22 zanlei sml 2:30 hrawngah Myaing – Lin Ka Taw( လင်းကတော) lam um Lin Ka Taw palek sakhan (လင်းကတောရဲစခန်း) bawi nupa an i cit mi ralhrang motor cu bomb (6) in an puah hna caah Lin Ka Taw(လင်းကတော) palek sakhan hmu nupa cu fak taktak in an hliam tiah kan theih. Ref: Khit Thit Media

Mandalay no.41 lam  zaan  ah ralhrang phu bomb cheh in doh an tong

Mandalay no.41 lam, Mukawng (မိုးကောင်း) zaandawr pawng ah thil a cawmi ralhrang phu motor pakhat cu bomb cheh an ton caah ralhrang minung 2 an thi, minung 3 nih fakngai in hliam an tuar. Cu thilcang kong ah GZP(Mandalay) mi zapi vengtu phu nih tuahmi a si tiah an mah phu nih an langhter.

Bomb a puah caah ralhrang minung 1 a thi colh, hliamtuar dang an um rih lai. Cun ralhrang phu hna nih dawr chung an duhnak hmun poh meithal in an kah caah mipi lei kuanhliam tuar zong an um” tiah a hmutu khuami pakhat nih a chim.

Ralhrang phu nih n duhnak hmun poh meithal an kah caah nu pakhat a hngawng ah kuan nih a hliamh, cun a dang nu pakhat zong kuan nih a hliamh tiah khuami hna nih an chim. Cu kahdohnak ah cun ralhrang lei in minung 2 an thi, minung 3 nih fakngai in hliamhma an tuar cun ralhrang motor pawngah a ummi mipi lei minung 1 zong hliam a tuar.

Ralhrang phu nih an duhnak hmunpoh meithal an kah caah mipi lei in hliamtuar 2 an u i mipi le hliamtuar dihlak hi minung 3 hna cu kan ngaithiam hram ko uh tiah Generation Z Power(Mandalay) phu nih cathanh an chuah. Ref: Khit Thit Media

Laica: The Chin Post

Leave a Reply

Your email address will not be published. Required fields are marked *