Min Aung Hliang Nih Media Hna Le A-Nuh-Pyin-Ngia-Sin Pawl Caah Phungthar A Ser Lai

Mithat lainawng pawl an lutlai uico pa Min Aung Hliang nih Kawlram chung Media vialte hna le A-nuh-pyin-ngia-sin pawl vialte tlaihhip khawh dih nak hnga dingah phungthar pakhat ka ser lai tiah thawngthanh nak a tuah.

Tuchun ah khan ralhrang bawi pawl hna cu Napyidaw ah meeting an ngei hna i zeitindah kawlram kan tlaih hip khawh lai timi kong an ceih lio ah Min Aung Hliang nih hi bia hi a chim mi a si.

Tulio kawlram dirhmun kong he pehtlai in Kawlram chung media cheukhat hna cu Kawl ralhrang chiatnak lawngte thawngzamh an chuah mi ruanghin siseh, ralkap thawngzamh zungpi nih zungphung cu a ngeih ko nain cu zulhphung vialte hna zong cu biaceih bawi (lawyer) he hmunkhat ah zohthan in fak deuh zongin zulhphung chuah than ding a si lai.

Cun Media pakhat a si mi nih cun phukhat thangchiat nak le chanbau nak lei hoih lawngin thawngzamh hi an chuah awk a si lo, a hmanmi thawngpang tu an chuah lengmang ding a si tiah Min Aung Hliang nih cun a chim hi a si.

Cun a-nuh-pyin-ngia-sin pawl hna kong he pehtlai in Min Aung Hliang nih a chim rih mi cu a-nuh-pyin-ngia-sin an pakhat a si mi nih ramkhel riantuan nakah zeihmanh thlaknak nawl an ngei lo, vawlei cung khuazeiram hmanh ah a-nuh-pyin-ngia-sin nih ramkhel rian ah an i tel bal hna lo. Cu ruangah a-nuh-pyin-ngia-sin pawl hi biatak tein kan tlaih hip khawh hna nak hnga zulhphung kan serpiak hna lai tiah Min Aung Hliang nih cun a chim.

Mithat lainawng pa Min Aung Hliang tthithruai mi Kawl ralhrang bu hna nih February 1 in uknak an lak hnuin nihin tiangah minung 800 hrawng thihnak faktak tuar in an thah cang hna, thlathum chungah ah mithat lainawng tihnung taktak mi Kawl ralhrang pawl riantuan cu tihnung chin lengmang a si ko.

Ref: khitthitmedia

Leave a Reply

Your email address will not be published. Required fields are marked *