Min Aung Hlaing Le Ralhrang Vialte Caah Thawngchia Taktak, Mipi Caah Lunglawmh Nak Taktak Asi Ve

Khin Oo Ah Duh Ye Hmu Soe Htut Khaine Tel In Palek Le Pyo Saw Htee 11 Nih An I Cit Mi Motor Kah An Tong I An Zapi In A Thi Dih, Meithal Zun 11 An Lak

Sagaing ramthen, Khin Oo peng, Ganthit khua Nitlak lei Moechaung hlei pawng ah Khin Oo khua in a ra mi Duh Ye Hmu (Lieutenant Commander) Soe Htut Khaine hruai mi palek le Pyo Saw Hte 11 nih an i cit mi SKAT motor cu nihin zing zuimilaam 9:30 ah kah an tong i motor cung cuang mi an zapi in an thi dih tiah tualchung PDF sin in theih a si.

Sagaing ramthen, Shwebo pengkomh, Khin Oo peng, Khin Oo-Yee Oo lam, Mindaung khua ah khualtlawng pawl tangka an hal dih hna hnu ah SKAT motor in a rak kir lei ah kah an ton hi a si.

Duh Ye Hmu Soe Htut Khaine hruai mi palek le Pyo Saw Htee 11 hna cu Khin Oo, Ganthit hlei pawng ah Khin Oo Pah Kah Pha le Khin Oo PDF phu nih an kah hna i ralhraang lei an zapi 11 ning in an thi. Meithal zun 11 zong an lak tiah theih a si.

(Ref: Khit Thit Media)