Min Aung Hlaing Cu Phaisa Kongah Faktuk In An Hlen Ko Cang Hih, A Thinhung Taktak Ve Lai

MyaungMya Peng Fimcawnnak Zung Rianṭuantu Cazi Nih Phaisa Ks Sing 200 Leng A Zaampi!: Ayarwady ramṭhen MyaungMya peng pengkulh fimcawnnak zung cazi rianṭuantu pakhat nih sianguktu hna khualtlawnnak ah hman dingmi phaisa kyats sing 200 leng cu a zaampi, tiah tualchung mi nih an chim.

Pengkulh fimcawnnak zung ah cazi ṭuanvo latu Non-CDM pakhat nih Non-CDM sianginn uktu le siangcachimtu khualtlawnnak ding phaisa cu thohpiak loin caan zeimawzat a rauh hnu ah zohfelnak tuah siseh tiah an ti hnu ah cu phaisa cu a zaampi tiah theih a si.

Myanmar currency trade turns to online groups on Facebook amid crisis | Reuters

“Phaisa zaampitu Cazi min cu langhter a si lo i, cazi rian lawng tlai loin phaisa zong a tlaihpiak chih hna. A phaisa kenmi cu tlawm tete in a hman hnu ah, cazin cu a dik ti lo caah a taangmi phaisa cu a zaampi. A dihlak ah Kyats sing 200 leng a si lai, tiah ruah a si. Sianguktu hna cu phaisa an hmuh ti lo caah an thin a hung tuk hringhran. Pengkulh fimcawnnak zung uktu nih cun cu thawngpang cu phozar loin a thuh,” tiah fimcawnnak zung rianṭuantu pakhat nih a chim.

Myanmar currency trade turns to online groups on Facebook amid crisis | Reuters

SAC kuttang sianginn onmi hna chung in Ayarwady ramṭhen hi sianginn kai mi a tambik an si i, MyawngMya pengchung zong ah sianginn dihlak onnak an tuah tiah theih a si.

Myanmar currency trade turns to online groups on Facebook amid crisis | Reuters

YeṬaShi Peng SAC Ralkap Le NTDF Kahdohnak ah SAC Ralbawi Le Ralkap 5 An Thi: Pako ramṭhen, YeṬaShi(ရေတာရှည်) peng GwayTae(ဂွေးသဲ) khua ah rallam a sialtu SAC ralkap le TanTaung(သံတောင်) thlanglei hriamtlai phu NTDF hna cu June 22, zinglei suimilam 11:00 ah an i kap i, cu kahdohnak ah cun SAC ralkap lei ralbawi telh in ralkap 5 an thi, tiah NTDF sin in theih a si.

“A hlankan tein SAC ralkap lei rallam an sial lai ti thawngpang theihcia a si caah lampi ah rak bawh in kan kah hna. SAC ralkap lei ralbawi pakhat telh in ralkap 5 an thi,” tiah NTDF in ṭuanvo ngeitu U Moath Sait nih a chim.

Kaphnih kahdohnak cu minutes 25 hrawng a rau i, NTDF lei hnu an tolh ah, SAC ralkap nih hriamngan in an kah hna caah tualchung hriamtlai phu lei in ralkap pakhat hliamhma a tuar, sinain a hliamhma kong ah thinphan ding a um lo, tiah NTDF nih an thanh.

Myinchain EPC Zung Ah Deputy Superintendent Pahnih Thah An Si!: Myinchain peng HnatChoṬaw(နှပ်ချိုတော) khua ah, EPC zung in Deputy Superintendent pahnih cu khuachung ah mei man(electric bill) kholh in an kir lei ah, aho si theih lo mi hriamtlai phu nih June 21 ah an kah hna i, kah an tonnak hmun ah an pahnih in an thi colh, tiah tualchung mi pakhat nih a chim.

Thah a tongmi pahnih cu Myinchain EPC zung ah Deputy Superintendent reng ngeimi U Tin Ko le U Myo Zaw Win an si tiah theih a si. “Thah an ton lawng hi a si lo, mei man an kholhmi phaisa vialte zong an laakpiak dih hna” tiah tualchung mi pakhat nih a chim.

Kawlin Ah SAC Ralkap Bomb Puahhnawh An Tong I, Ralkap 4 An Thi: Sagaing ramthen, Kawlin nitlak lei Kawlin-Pinlaybu lam ah SAC ralkap mawtaw pakhat bomb puahhnawh a tong i, ralkap 4 an thi tiah theih a si. Nizaan June 21 chun Sml 12:15 tluk ah SAC ralkap hna cu khuachung ah security la in, Administration zung in palek camp lei an kir lio ah bomb puahhnawh an si, tiah The Secret Warrior Kawlin in rianngeitu nih a chim.

“SAC ralkap pawl cu khuachung Aministration zung in palek camp an kir lei ah bomb puah an si i, ralkap 4 an thi. Pahnih cu a hmun ah an thi colh. Kaphnih kar kahdohnak tu cu a um lo. Pahnih cu siizung an phanh hnu ah an thi, tiah Non CDM siizung rianṭuantu sin in kan theih,” tiah The Secret Warrior Kawlin in rianngeitu nih cun a chim.

Bomb an puahhnawh hnanak hmun hi SAC ralkap nih an cawngh tawnnak hmun a si tiah theih a si. Cupinah Kawlin peng ah tlaih mi rithaisii hna cu mizapi mithmuh ah khangh a si tiah Kawlin peng zatlang uktu phu nih nihin June 22 ah an thanh. Sahbuan bawm chung ah senh mi rithaisii bawm 128 cu NUG cozah theihpinak in dirh mi Kawlin mizapi uktu phu, mizapi vengtu le humhimtu ralkap hna nih hmunkhat ah an khangh, tiah theih a si.

Credit: The Chin Post