Min Aung Hlaing Cu Mualpho Nak Dah Ti Lo Cu Zeihmanh A Chuahpi Kho Ti Lo, A Cei Tuk Ning Cu Hi

Nov 25-26, nihnih chung tuah dingo a voi 13 nak ASEA-European Summit ah ralhrangbu hotu Min Aung Hlaing cu an pheu, an sawm lo tiah theih a si. Ralhrangbu nih cun hotu bik min Aung Hlaing sawm loin ramkhel aiawhtu a si lomi, midang nan sawm hna caah meeting ah kan kai lai lo tiah an leh hna.

Military chief Min Aung Hlaing supports Arakan Army call to hold by-elections in Rakhine by end of year | Myanmar NOW

A voi 13 nak ASEA-European Summit cu Cambodea ah an tuah. Min Aung Hlaing sawm loin ramkhel aiawhtu a si lomi an sawmmi hi ralhrangbu nih cun nehsawh le zeirello a si ti phun in an i lak caah meeting an kai duh lonak hi a si. A voi 39 nak ASEAN Summit lio zongah ralhrangbu kuttang ramleng vuancizung i upa pakhat an sawm nain ralhrangbu cu meeting ah an rak i tel lo.

Military chief Min Aung Hlaing supports Arakan Army call to hold by-elections in Rakhine by end of year | Myanmar NOW

Tutan ASEA-European Summit zongah Min Aung Hlaing nan sawm lo caah meeting ah kan kai lai lo tiin intek tuanvo latu Cambodea cozah sinah ralhrangbu nih lehnak ca an kuat tiah Bangkok Post nih a tial.

Military chief Min Aung Hlaing supports Arakan Army call to hold by-elections in Rakhine by end of year | Myanmar NOW

Ralhrangbu hotu Min Aung Hlaing cu ASEAN Summit le China-ASEAN Summit zongah an sawm duh lo. Tutan he cun a voithumnak a si cang. Hihi vawleipi nih ralhrangbu cu an cohlang lo ti kha a langhter chin lengmang tiah ramkhel thiamsang hna nih an chim.

Covid-19 Zawtnak In Europe Ah Minung Ting 7 An Thi Kho

WHO Vawleicung ngandamnak lei tuanvo ngeitu World Health Organization (WHO) nih cun Europe le Asia ram chung ah Covid-19 zawtnak a hung karh than caah kum vui March thla tiang ah minung sing 7 tiang an thi kho, tiah an chim.

WHO nih Europe ram chung ah a pommi ram 53 chung ah minung 1.5 million an thi cang. Nai hrawng Europe ram ah covid rai a hung karh deuh caah Austria nih cun ram pumpi lockdown a phuan cang. Europe ram dang hna zong nih covid rai lak in an him khawh nakhnga an phungphai tete an remh lio ve.

Germany, France le Greece hna ahcun covid vaccine dose tlingte aa chun cang mi zong booster dose an chunh chap hna. Hilio ah ram cheukhat ahcun cozah nih covid rai he pehtlai in phungphai thar an sermi tete duhlonak an langhter ve.

Netherlands ah cun covid rai ruangah lockdown an tuahmi cu mi tampi nih duhlonak an langhter i, buainak tiang a chuak. Hi buainak he pehtlai in duhlonak a tuahtu 170 hrawng an tlaih cang hna. WHO nih hlathlainak a tuahnak ahcun nai hrawng ah hin covid ruangah mithi an karh hringhran, tiah an chim i

Covid ruangah a thimi hi a let bakin an karh lio, nikhat ah minung 4000 tiang hna Europe ram chung lawng ah an thi, tiah an chim. Russia ram zong ah nikhat ah minung 1200 an thih caan a phan, tiah an chim. Hi bantuk in covid rai a karhnak ruang bik cu covid raikhamsii aa chun duhlo mi an tamtuk ruangah le, chawnh a fawi deuh mi covid rai phunkhat ‘delta variant’ a karh caah a si, tiah an chim. WHO Europe Director Dr Hans Kluge nih cun covid rai ruangah mi tam deuh nunnak a liam nakhnga lo Europe mipi hna cu vaccine i chun cio ding in a sawm hna.

Credit: The Chin Post

Leave a Reply

Your email address will not be published. Required fields are marked *