Min Aung Hlaing Cu Chim Ding Zeihmanh A Thei Ti Lo, Tlangcung Hriamtlai Pawl Thil Sual Tuah A Puh Cang Hna

The Hakha Times: Ram buainak caantha la i Tlangcung Hriamtlai pawl nih riithaisii an zuar, tiah Min Aung Hlaing nih chim.

May be an image of 1 person

October 16| Atulio Myanmar ram buainak hi caantha i lak in Ethnic Armed Organizations (EAOs) ti mi Tlangcung hriamtlai phu hna nih riithaisii an zuar, tiah SAC phu lutlai Min Aung Hlaing nih a chim.

May be an image of 1 person

“Ralkap le Palek i bawm in hriamtlai phu hna kong hi kan tawlrel cuahmah. Cu lio ah EAO pawl nih caantha la in riithaisii an zuar i cucu kan tlaih mi hna zong an um,” tiah Min Aung Hlaing nih Nay Pyi Taw meeting (16/2021) ah a chim, tiin MyanmarPlatform nih a tial.

Atu hi rammi mizapi he pehtlaihnak tha kan ngei i thawngpang an kan thanh khawh lengmang ca ah cu bantuk riithaisii a zuar mi cu tampi kan tlaih cang hna, tiah a chimchap.

May be an image of 1 person

ASEAN meeting ah Min Aung Hlaing kai lo ding in bia an chah diam. Aung Hlaing cu ASEAN meeting ah i tel hlah seh, tiah ASEAN chungtel ram pawl in Ramdanglei Ministers hna nih nihin lakhruak meeting ah bia an chah, tiah Japan NHK thawngzamhca nih a thanh.

Meeting kailo ding in bia an chahnak aruang cu ASEAN nih Min Aung Hlaing te he rian tuanchuah ding biahren phun 5 an tuanchuah duhlo mi ruang ah a si i October thla thokka hrawng tekhan Ramdanglei Ministers hna nih tutan meeting ah sawm an timhlonak kong an rak phuan len cang.

ASEAN meeting cu aralai mi October 26 in 28 tiang an tuah lai, tiah theih a si.