Maw Khuazing Pathian, Thantlang Peng Ruakhua Cu Zaangfak Tuk An Si E Apoi Tuk Ko Mu

Thantlang Peng, Ruakhua ah COVID-19 positive minung 23 an hmuh. Thantlang peng Ruakhua ah COVID-19 positive minung 23 hmuh an sinak kong ah Thantlang COVID-19 Emergency Response Committee Secretary Pu Ram Khar nih a tanglei bantuk in a tial.

Thantlang Peng chung um mi Ruakhua Ah Khuami nih an mah te in Covid-19 zawnak check nak an tuah ni hnih an check hna i Covid-19 zawt nak ngei mi minung 23 sin ah hmuh an si. Minung Pakhat nih 30.7.2021 niah Covid -19 in a thih tak hna.

Ruakhua hi Inn (48) hrawng an si. Minung (280) hrawng an si. A tulio ral ruang ah Hakha, THantlang lei in a vaidor chung mi an tam hna i a tu lio hi minung 400 hrawng an um. Credit: The Hakha Post

Thawngpang dang …. India State 10 Ah covid-19 A Karh Caah Cozah Nih I Kharphihnak Kalpi Dingin A Ti India cozah covid-19 third wave a karh mi cungah hlathlainak an tuahnak ah zawtnak a tamnak state 10 hna cu i kharphih dingin a ti hna.

Sample test nak in 10% cunglei zawtnak an hmuhnak state hna cu India cozah nih i kharphihnak pin ah kum 60 cung le kum 45 – 60 kar hna cu covid vennak sii thawng deuh in pek dingin a ti hna.

Zawtnak tamnak/ positive rate a karhnak state hna cu Kerala, Maharastra, Karnataka, Tamil Nau, Odisha, Assam, Mizoram, Megalaya, Andhra Pradesh, Manipur hna an si tiah union health ministry nih a ti.

Cun, positive rate 10% um nak district 46 le positive rate 5 – 10% kar a um mi district 53 hna cu zawtnak i chawnhnak hmunpi an si khawh caah fak deuhin zawtnak check dingin a ti hna.

India ram covid dirhmun cuanhnak hi July 31 ah khan union health secretary Rajesh Bhushan le Indian council of medical research (ICMR) director general Dr. Balram Bhargava nih an thut pi hna.

Positive rate 10% cunglei hi cu i kharphihnak fak deuhin kalpi a hau mi a si.Zawtnak tam deuh nak state 10 in mizaw 100 ah 80 cu inn ah zohkhenhmi an si caah zawtnak a chawn lo nak dingah ralring ngaiin kalpi a hau tiah an ti.

Nizaan mithiam pawl biaruahnak nih India ah covid zawtnak thar a um le um lo fianhnak caah (Indian SARS-CoV-2 Genomics Consortium) laboratory network cu ramleng in khualtlawng a lut thar mi hna zohfelnak caah hman dingah ti a si.

India ah April le May thla ah khan covid-19 second wave fak tuk in a karh ruangah oxygen i daih lo nak fak piin an ton caah private sii inn hna cu (pressure swing adorption) oxygen generation plant bunh cio dingin ti a si.

Covid-19 zawtnak a chuahk in India ah zawtnak a ngei mi 3.16 crores le a dam cang mi 3.08 crores an um i, zawtnak he a thi mi 4.24 an si.

Leave a Reply

Your email address will not be published. Required fields are marked *