Laimi Kan Mualpho Ngai Hih, Pi Kap Lian Sung Cu Hursi Tampi He Kawl Ralhrang Nih An Tlaih

Laimi chungin tulio dirhmun hna i hi bantuk thil thalo le tihnung taktak asi mi drug phuntling a rak zuar mi kan um rih hi cu apoi ngai ko.

May be an image of 1 person and text that says "Fifty Two"

Kawl ralhrang nih thawngthanh nak an hun tuah ning ah Kalaymyo chung, Tahan sang/veng ah aum mi Pi Kap Lian Sung cu a innchung lila ah hursi tampi le rithai sii thalo tampi he kan tlaih tiah thawngthanh nak an hun tuah.

May be an image of indoor and text that says "Fifty Two"

Pi Kap Lian Sung hi Kalaymyo, Tahan sang/veng ah a ummi asi i drug phuntling in a zuar mi asi tiah thawng kan theih caah a inn ah kan kal hnawh, a inn chung lila ah cun nupa si duhnak leiah thazaang a tthawn tertu sii tampi le drug phun dang tampi kan hmuh, cun a rak zuar cang mi man phaisa Ks 200000 zong kan tlaih chih tiah kawl ralhrang nih cun thawngthanh nak an tuah hi asi.

May be an image of 1 person and text that says "Fifty Two"

Thai Ah Myanmar 3 Cu Lainawng Case In Tazacuai An Tong! Thailand ramchung Songkhla pengkomh ah Myanmar 1 thah a tonnak kong he pehtlaiin passport ngei lomi Myanmar rammi 3 cu an tlaih hna i, midang pahnih zong an kawl cuahmah lio hna. Anmah nih Myanmar mi 1 cu an thah hnuah an phum tiah palek nih a chimmi cu Bangkok Newspaper ah an langhter.

Lainawngtu hna nih an chim ningin thah a tongtu Myanmar rammi Kum 40 tluk simi nih phaisa ningcang loin a hlen hna pinah anmah phu chungum nu pakhat zong tlik zaampi a timh tiah an chim.

Hi kong he pehtlaiin Suamla pengkomh nih inn pakhat chung ah aa thupmi passport ngei lomi Myanmar riantuantu 109 cu  biahalnak le zohfelnak an tuah i, lainawn nak ah minung 8 an i tel, kan theih khawh hna tiah pengkomh palek bawibik nih a chim.

Lainawngtu an si lai tiah ruahmi minung 8 hna cu a liamcia June 1 ah khan an tlaih hna i, anmah nih an chim ningin lainawngtu taktak Myanmarmi 3 hna cu biaceih zungah chuahpi an si tiah theih a si. Tlaihmi 3 siseh an kawl cuahmahmi a dang 2 hna cu lainawng case le ruak hlonhnak case in tazacuai an si tiah palek bawibik nih a chim.

Thah a tongtu ruak zong cu an phorh than dih cang i, a citmi motorcycle zong tidil ah an hlonh i, cu zong cu kan laak khawh cang tiah palek bawibik nih a chim.

Tazacuai a tongtu minung 3 hna nih chim ningin cuka hmun ahcun an thah hlan a nikhatnak, May 31 ah a rak phan tharmi an si i, Malaysia ram ah kal dingin caan karlak an hngah chungah atu bantukin thahnawnnak a chuak tiah palek bawibik nih a chim.