Khah! Zaantlai Hnuah Ralhrang Pawl Cu Bomb In Ceilak An Phomh Hna

DRPA Nih Hmun 4 Ah Bomb An Puah, Kaphnih Kahdohnak A Chuak. Sagaing ramṭhen, Kanni peng, ALay Kyun khua in Thayat Thaw khua lei ah a kal mi ralhrang phu cu January 12, zaan suimilam 9:40 ah mizapi vengtu ralkap phu DRPA nih hmun 4 ah i ṭhen in bomb an puah hna hnu ah kaphnih kahdohnak a chuak.

Ralhrang lei in a thi mi le a hliam mi an tam, tiah DRPA nih a thanh. Cu kahdohnak cu DRPA Brigade 1 kuttang mizapi vengtu ralkap phu nih an tuah mi a si i, mizapi vengtu ralkap aa fonh mi phu, Kanni mizapi vengtu ralkap phu le Kyauk Lung Kyi PDF hna nih hriamnam lei in bawmhnak an pek hna tiah theih a si.

Sagaing ramṭhen chung dothlennak ca ah thazaang phunkip in i bawm in ralhrang hna cu kan doh chin lai. Mizapi nunnak, inn le lo vialte hnahnawhnak a petu phu pohpoh cu an ci kan hmih dih lai, tiah DRPA nih cathanh a chuah. Khit Thit Media

Ralhrang Nih Hakha Pu Siang Mang Inn An Khar Piak: CNLD party in Chin ramkulh hlutdaw palai a tlingmi Pu Siang Mang inn cu Jan 12, zinglei suimilam 11 hrawngah ralhrang nih an khar piak tiah theih a si. Hi kongah Pu Siang Mang a chungkhat hna nih “Zeiruangah an khar ti kan thei lo, kan khuaruah a har ko” tiah an chim.

May be an image of 1 person and text

Ralhrang nih Pu Siang Mang inn ah an tarmi ah cun “Hi inn cu ralhrang cawlcanghnak a tuahtu pakhat kha i thuhnak le chikhat umnak an onhmi a si ti kan theih caah ralhrang dohnak upadi pohmah 52 ningin inn ngeitu cu dan kan tat lai, cu pinah pohmah 54 ningin hi inn cu cozah thilri ah lak a si lai” tiah an ṭial.

May be an image of 1 person and text

Pu Siang Mang cu caan saupi Hakha khuanu-khuapa hruaitu a ṭuanmi a si. Kum 2020 rampi thimnak ah CNLD in teitu umchun a si. Oct 30, 2021 zongah khan Hakha Dawrthar sangah a ummi Dr. Lian Hmung Sakhong inn cu ralhrang nih an rak khar piak cang tiah theih a si.

Credit: The Chin Post