Khah! Ralhrang Ralkap Le Palik Anmah Le Anmah Faktuk In An Buai Cang Hih, Thihnak Tiang A Chuak

Hṭilin Ah SAC Ralkap Le Palik Anmah le mah An Buai, Tualchung Mi 3 Nunnak Liam! Magwe ramṭhen Hṭilin khuachung ah June 26, zaanlei suimilam 5:00 hrawng ah SAC ralkap le palik hna cu zuri buin bia an i el i anmah le mah karlak buainak a chuak. Hriamnam thawh in i kahnak a chuah caah tualchung minung 3 nunnak liam i, pakhat faak ngai in hliamhma tuar tiah YDF Battalion-15(Shwe Som Nyo) nih cathanh an chuah.

2 Killed, 30 Injured In Shooting At Myanmar Anti-Coup Protest

SAC ralkap le palik buainak ah aa telmi Hṭilin peng palik bawi pakhat cu nam in an sawh, tiah theih a si.

2 Killed, 30 Injured In Shooting At Myanmar Anti-Coup Protest

“Hṭilin pengchung SaeMintaw khua in Hṭilin ah aa ṭhialmi palik le SAC ralkap hna cu khuachung ah anmah le mah kar i kahnak a chuak i, palik pawl cu an zaam hna. Cu buainak daihter ding in a phanmi Hṭilin peng palik bawi pakhat cu namsawh a tong. SAC ralkap nih hriamngan an hman caah in tualchung mi 3 nunnak liam i, pakhat cu faak ngai in hliamhma tuar,” tiah tualchung media nih an thanh.

2 Killed, 30 Injured In Shooting At Myanmar Anti-Coup Protest

A luancia April 18 zong ahkhan Hṭilin peng Cin palik camp cu PDF nih an kah hna caah camp uktu Aung Kyaw Sein cu a thi, palik lei in minung 15 nih an hriamnam kaltak in hnu an tolh, tiah theih a si.

2 Killed, 30 Injured In Shooting At Myanmar Anti-Coup Protest

Thailand Ramchung Thonginn Ah Myanmar Rammi 4000 Leng An Um, Harsatnak An Tong!

Thailand ah phungning loin luh ruangah tlaih a tongmi si hna seh a ruang dangdang ruangah tlaih a tongmi hna zong nifatin a um lengmang caah Thailand ramchung thonginn chungah Myanmar rammi thong leng an um cang tiah theih a si.

Thailand ramchung thlanglei ah a ummi thonginn hna ahcun Myanmar rammi thongtlami 4000 lengkai an um hna i, an chuahnak ni le caan a phan cang nain Myanmar ram ah an tlung kho hna lo tiah Thailand ram ah Myanmar riantuantu hna bawmhnak petu phu nih an chim.

Thonginn chungah Myanmar minung an karh/an tam tuk cang caah umnak aa relrem lo ngaingai pinah eidin tirawl zongah harsatnak an tong.

A hlan ahcun thonginn chungin chuahzalennak a ngah cangmi Myanmar rammi hna cu a bubu in Myanmar lei nih an rak cohlan nain SAC nih nawlngeihnak a laak hnuin thlakhat ah minung 100 lawng a cohlan caah atu bantukin thonginn chungah a thong thongin an umnak a si tiah theih a si.

Thailand ramchung thonginn hna ah Myanmar rammi zeibantukin harsatnak an tong timi konglam he pehtlaiin zatlang bawmhnak petu phu chairman Ko Thar Kyaw cu BBC thawngpang latu Ms. Hnin Hnin Mu nih biahalnak a tuah hi a si.

Credit: The Chin Post