Kawl Ralhrang Nih Order Thar Le Hrocer Nak Thawngthanh An Tuah Than Hoi Cang E

Mon ramkulh ah meter man a pe lo mi cu meter box kan in chuhthan hna lai tiah ralhrang nih an tlerhkhonh hna tiah Electric zung riantuan pawl nih an chim.

Ralhrang hna nih meter man nan pek lo ahcun mei kan in phih hna lai an ti hnu ah atu ahcun meter box hna zong kan in chuh hna lai tiah an tlerhkhonh hna.

“Meters man nan pek lo ahcun a voikhat nak ah ni 7 chung mei kan in phih piak hna lai i cu hnu i nan pek rih lo ahcun meters box kan in lak piak hna lai tiah ralrin a kan pek” tiah Electric zung riantuan pakhat nih achim.

Tu ahhin ralhrang nih Electric zung in mipi hna cu meters man pek ding in innkip ah meter catlap hna an phawt hna.

Hi ti meter man an khawlhnak catlap an peknak hna cu meters man hna cu a bu piin pek ding ah an rak chimh hna caah harnak kan tong tiah a chim.

” Meter man an kan hal ah in thlaruk ca pek i thla fatin pek lo man a kan liam ter rih tulio cu kan ram sining a that lo ruang ah kan rian zong hohmanh a tlamtling mi kan um lo caah kan har ko” tiah khuami pakhat nih a chim.

Meter man catlap hna an kan pek caah nizaan tihni hrawng ah Kyaouk Thu peng Electric Engineer zung ah bomb a puak tiah khuami nih an chim.

Source: Than Lwin Time

Laica: The Chin Post

Leave a Reply

Your email address will not be published. Required fields are marked *