Hman-Lung (BUS) Nih Lampi Ah A It Mi Pawl A Rial Hna Ruangah Minung 18 Bak An Thi

India Ah Bus Pakhat Nih Lam Ah A It Mi A Pah Hna Ruangah Minung 18 An Nunnak A Liam. Uttar Pradesh Barabanki district ah lam ah a it mi bus nih a cil hna caah minung 18 an nunnak a liam.

Hi thil hi July 27 zantim ah Lucknow- Ayodhya highway ah a cang mi a si.Vanchiat a tong mi hna hi Haryana le Punjab ah riantuannak in an khua Bihar lei ah a rak kir mi hna an si.

Bus hi seh lei a that lo ruangah lamkam ah an i dir i, bus an remh chungah bus a rak cit mi hna cu bus hmailei lampi ah an hngilh lio ah bus hnulei in cak tukin a rak ra mi thil phor mawtaw (truck) ngan nih fak piin a pah hna caah bus nih a cil mi hna a si.

Vanchiat ruangah a cang mi thil a si ruat in bus a pah mi truck khaltu fel lo ruangah a si tiah a Lucknow ADG, S.N.Sabat nih a chim.

Bus hi dot 2 a si i, bus chungah a cit mi dihlak hi minung 130 an si.Bus an remh chungah atu bantukin thil a cang mi a si.Minung 18 an nunnak a liam i, minung 25 nih hliamhma an tuar tiah theih a si.

Ref; the hindu

Credit: The Chin Post

Leave a Reply

Your email address will not be published. Required fields are marked *