Delhi Website Catialtu Hna Nih CNA/CDF Sinah Kyats 2 Million Bawmhnak An Pek

Delhi um Chin miphun Website ah thawngpang (news) a tial lengmangtu hna nih kan ram dothlennak ca i a cawlcang cuahmahmi CNF le CDF sinah Kyats 2 Million (nuai 2) bawmhnak an pek tiah theih a si. India tangka (Rupee) cun Rs. 106760 a si.

No photo description available.

Bawmhnak tangka cu Farkawn i CNF ralbawi Pu Kap Thang kut ah an chanh i amah nih CNF Spokesperson Salai Htet Ni sinah tlamtling tein a pek chin cang.

Chin National Front Signs Deal With Myanmar's Shadow Govt – Strategic News Global

Delhi ahhin Hakha holh in Website ah thawngpang a tialtu 35 hrawng an um i cu hna nih cun Delhi Chin Media timi an dirh. Tutan bawmhnak hi DCM hruainak in tawlrelmi a si. Tutan ahhin DCM chungtel a si lo nain a thawh vemi zong an i tel.

Chin National Army Seeks Asylum In India For Their Families

Atulio i DCM hruaitu Salai Tha C Lian (Saikah) nih cun “An tha a tho tuk hna i Kawlram tangka in a ting a thawhmi an um len. Mahca cun kan i ruahmi leng piin a chuak i Kyats 2 million tiang bawmhnak kan pek khawhmi hi a si” tiah a chim.

Sought refuge in Mizoram as not sure what Myanmar Army is going to do: Chin National Army | EastMojo

Delhi lei website catialtu hna hi soisel le doh an tong ngaingai tawn. Asinain DCM an dirh hnu cun Laica tialning, media zulhphung kong le IT lei i cawnpiaknak tete an tuah lengmang tikah hmasa i soiselnak le dohnak zeimawzat hna cu an um ti lo. Atu ah cun “rianrang tukin thawngpang nan tial/thlah, a dik lomi nan thlah, tangka duh ruangah lih le hrokhrawl nan tial” tiin soisel an si.

CNF Demands Halt to Clashes on Chin Land | Burma News International

Hi kong he pehtlai in DCM hruaitu Salai Tha C Lian nih cun “Thawngpang tialtu hna nih hin media zulhphung tha tein an theih cang caah a dik ko, tial ding aa tlak ko an timi an tial khi a si ko. Careltu lei zong hi vun ti pah ve ko hna ning, kan catialmi a ni thla hmanh rel lo, a tlangtar lawng zoh duak i a chung rel tung loin soisel an hmang tuk. Ruahnak cheuh phun in si loin soisel le doh lei lawngte in bia kan chim i kan palhnak i remh zong a harh ngai” tiah a chim.

CNF Demands Halt to Clashes on Chin Land | Burma News International

Atu bantukin kan ram dothlennak caah tiin Delhi Website catialtu hna nih CNF/CDF sinah bawmhnak an pekmi cu lawmh a um taktak. Tutan bawmhnak ah tangka a thawhtu vialte Bawipa nih a letza in thluachuah in pe ko hna seh.

Credit: The Chin Post

Leave a Reply

Your email address will not be published. Required fields are marked *