CDF Le Kawl Ralhrang Kahdohnak I A Thi Mi CDF Mipi Le Kawl Ralhrang Cazin Felfai A Chuak

Chinram ah SAC Ralhrang 165 an Thi i, CDF lei Minung 30 nih Nunnak an Pek ve Cang. April 24 in June 10 tiang ah Chinram chung kahdohnak ah SAC ralhrang 165 an thi cang i, CDF lei zong in minung 30 nih ram le miphun ca ah ralhrang do in nunnak an pek, tiah CDF nih an langhter.

May be an image of text that says "CHINLAND DEFENSE FORCE HEADQUARTERS ၂၀၂၁ ခုနှစ် ဧပြီလ ၂၄ ရက် မှ ဇွန်လ ၁၀ ရက်နေ့အထိ ချင်းပြည်နယ်အတွင်း အကြမ်းဖက် စစ်ကောင်စီနှင့် Chinland Defense Force အကြား တိုက်ခိုက်မှုပေ သေဆုံးသူများ စာရင်း ထုတ်ပြန်ချက် Civilian ၁၁ဇွန်လ ၂၀၂၁ CDF SAC SAC CDF Civilian 165 40 60 80 100 120 140 160 180 Chinland Defense Force"

SAC ralhrang ruang ah mi sawhsawh a nunnak a liammi minung 9 zong an um.

Kahdohnak ah SAC lei in minung 123 hliamhma an keng i, CDF lei in minung 45 hliam an pu ve. SAC ralhrang hliamhma a pumi milu hi hinakhin an tam deuh kho, tiah CDF nih an chuahmi cazin ah an langhter.  Credit: The Chin Journal June 11, Yangon

May be an image of text that says "CHINLAND DEFENSE FORCE HEADQUARTERS ၂၀၂၁ ခုနှစ် ဧပြီလ ၂၄ ရက် မှ ဇွန်လ ၁၀ ရက်နေ့အထိ ချင်းပြည်နယ်အတွင်း အကြမ်းဖက် စစ်ကောင်စီနှင့် Chinland Defense Force အကြား တိုက်ခိုက်မှုကြောင့် ထိခိုက်ဒဏ်ရာရသူများ စာရင်း ထုတ်ပြန်ချက် 180 160 140 120 ၁၁ဇွန်လ ၂၀၂ 123 100 80 40 SAC 20 45 Civil SAC CDF Civil မှတ်ချက်။ ။အထက်ဖော်ပြပါစာရင်းသည် တိုက်ပွဲဖြစ်နေစဥ် မြေပြင်ခန့်မှန်းချက်သာဖြစ်သောကြောင့် အကြမ်းဖက် စစ်ကောင်စီတပ်ဖွဲ့မှ ထိခိုက်ဒဏ်ရာ ရရှိသည့် စစ်သားဦးရေ ပိုမိုများပြားနိုင်ဖွယ်ရှိသည်။ Chinland Defense Force"

Relchap: RUAT SETMAT IN REL ( Ruah lengmang ah hin Oneness nih an Doctrine hi an i palh cikcek ko Part:- 2 )

* Oneness timi a sullam cu kan langhter cang ko caah khan Doctrine timi sullam van langhter ta u sih..

DOCTRINE TIMI SULLAM FIANTERNAK

Doctrine timi a sullam cu zumhnak lei kong i cawnpiaknak tinak kha a si bantukin Oneness pawl nih Bible an i cawnpiaknak kongah hin lamkaltu puak nih, “Bawipa pakhat lawng a um, zumhnak pakhat lawng a um, tipil innak pakhat lawng a um,” ( Efisa 4 : 5 ) a ti bantukin cu kan zumhmi cu Pathian pakhat lawnglawng hi a si ko. Jesuh min in tipilnak zong an in pe. ( Lamkaltu 2 : 38 ). Cu pinah Pathian pakhat a simi nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” tiah a ti. ( Exodus 3 : 14 )..

Cu bantukin Jesuh Khrih zong nih, “Na sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti. ( Johan 8 : 24 ). Cucaah cun Bikam Hmun chungah Moses le profet hna sinah bia a rak chimtu Bawipa Yahweh cu Bawipa Jesuh Khrih hi a si ko. Amah dah ti lo cu Pathian dang an um loh. ( Isaiah 44 : 6 ). Amah lawnglawng hi kan Pathian le kan Pa taktak cu a si ko tiah Oneness pawl nih an i cawnpiak tawnmi an Doctrines chungin pakhat a si ve. ( Efesa 4 : 6 )..

NOTE : Bible bia hi Thlarau bia a si bantukin Fimnak cu keimah hi ka si ( Phungthlukbia 8 : 12 ) tiah a titu Pathian kan Pa a simi Bawipa Yahweh nih fimnak le hngalhthiamnak hna hi pek ve tung loah cun kan i theihmi Bible bia lila bakin hin kan i cawnpiak tik zongah a palh cikcek ko lai. Sihmanhsehlaw Jesuh nih, “biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

Keimah nih ka rak in chimhmi hna chung khan an chimhmi hna cu a lakmi a si lai caah keimah kha a ka thangṭhat lai. Ka Pa ngeihmi vialte cu keimah ta an si ko, cucaah cun, ‘Thlarau nih cun ka pekmi cu aa lak lai i nannih cu an chimh hna lai,’ tiah ka rak in chimh hna kha a si,” tiah ( Johan 16 : 13 – 15 ) a ti bantukin Thlarau nih a kan chimmi kongin a tang leiah van zoh ti hna u sih..

BIble relnak

* Hebru 1 : 1 – 2

– Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

– Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si..

* Johan 14 : 28

– A ka daw lomi paoh nih ka bia kha an ngai lo. Ka chimmi bia nan theihmi hi keimah bia a si lo, a ka thlahtu ka Pa bia a si..

Pathian thawngin zoh tinak;-

Hlan Bikam Hlun chan lioah cun kan pupa hna sinah hin Pathian nih cun profet hna hmangin khan bia hi a rak chim tawn hna. Pathian nih profet hna a hman hna hlan deuh ah hin kan pu a simi Abraham sin biakam tlinternak caah a thimmi Judah miphun hna hruaitu dingah Moses cu a rak auh. ( Exodus 3 ). Cu tikah;-

Q: Moses nih Pathian cu a thawh i;- Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” tiah a ti. ( Exodus 3 : 13 )..

Ans: Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” tiah a ti. ( Exodus 3 : 14 ). Hi bia hi Moses nih Pathian a min a hal a vawikhatnak a si bantukin a rak chim rih lo..

Cu bantukin lamkaltu Paul nih cun, “Pathian cu pakhat lawng a si i amah cu mi vialte Pa, zeizong vialte Bawi, zeizong vialte chungah rian a ṭuan i zeizong vialte chungah a ummi a si,” tiah a kan ti. ( Efesa 4 : 6 ). Cucaah Bikam Hlun kan pupa hna sinah bia a rak chimtu Pathian pakhat cu mivialte kan Pa a si bantukin a min zongah Bawipa Yahweh ti a si.

Zeicatiah mi vialte kan Pa a simi Pathian nih cun Moses sinah cun ka min cu Bawipa Yahweh a si tiah a ti. ( Exodus 6 : 4 JUB ). Cucaah cun dawkaw Pathian kan Pa a simi Bawipa Yahweh nih profet Isaiah kaain, “Ka mi hna nih ka min kha an hngalh lai,” tiah a rak ti khah. ( Isaiah 52 : 6, NKJV ). Hi Bible cacaang te hi Dr. David Van Bik nih a lehmi Bible aa tleihmi na si sualah cun na el sual lai caah Dr. Rual Uk nih a lehmi kha rak zoh te law..

Cu bantuk thiamthiam in cun Pathian kan Pa a simi Bawipa Yahweh nih cun Moses sinah khan a thimmi Judah miphun hna nih an zulh awk a simi Nawlbia kha a pek. ( Johan 1 : 7 {a} ). Cu Nawlbia zulhnak in cun chan hna cu a hung liam lengmang tikah Judah miphun hna nih Pathian kan Pa a simi Bawipa Yahweh nawlbia kha a ngeih lo caah Pathian kan Pa a simi Bawipa Yahweh nih cun profet Isaiah hmangin, “Israel mi hna, nan biakmi cu keimah ka si lo; kei nih cun kan nor cang hna. Khangh thawinak caah nan hmanmi tuu cu keimah nan ka pe lo; raithawinak nan tuah tikah nan upatmi cu keimah ka si lo. A peh..

Laksawng ka pe u tiah thilrit kan khinh hna lo zihmui ka pe u ti zongah kan ti fawn hna lo. Zihmui kha nan ka cawkpiak lo i nan saṭil thau in ka lung nan ka riamhter lo. Nan sualnak tu khan thilrit nan ka khinh i ṭhat lonak nan tuahmi khan ka lungre nan ka theih. Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo,” tiah a ti hna. ( Isaiah 43 : 23 – 25 ). Hi kongah hin Hebru catialtu zong nih, “Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si,” tiah a timi ah khan a hung tling. ( Hebru 1 : 1 )..

Sihmanhsehlaw Pathian kan Pa a simi Bawipa Yahweh nih cun a thimmi Judah miphun nih an sual ngeihthiamnak ding caah an rak pekmi raithawinak vialte hna kha zungzal caah a duhmi a rak si lo caah zungzal sual ngeihthiamnak ca dingah khan a Fapa ngeihchun a simi Jesuh Khrih in raithawinak hlun cu a rak thlen piak hna. Cucu zungzal caah a si fawn. ( Hebru 10 : 5 – 10 ). Asinain Judah miphun hna ca lawngah si loin vawlei cung misual vialte kan sual ngeihthiamnak caah khan a si. Amen. ( 1Johan 2 : 2 ). Cu bantukin Jesuh cu nih, “Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu,” tiah a timi kha a si. ( Johan 3 : 17 )..

Cun hika ah Jesuh nih Pathian nih a Fapa cu vawlei khamhtu si awkah pei a run thah cu tiah a ti caah hin Jesuh hi Pathian kan Pa a simi Bawipa Yahweh hrimhrim nih a nawl peknak in a rak thlahmi a si tihi a fiang bak. Cucaah Jesuh zong nih, “Ka Pa nawl in a rami ka si, sihmanhsehlaw nan ka cohlang lo,” tiah a rak ti khah. ( Johan 5 : 44 ). Cu bantukin Jesuh cu a Pa kan Pathian a simi Bawipa Yahweh nawl pek nakin a rami a si bantukin Jesuh zong nih thla a camnak ah khan a chimmi bia cu, “Nangmah Pathian taktak pakhat le na thlahmi Jesuh Khrih hngalh hi nuncang hmunhnak cu a si,” tiah a rak chimnak zong kha a si. ( Johan 17 : 3 ). Hika zawn i Jesuh nih nangmah Pathian taktak pakhat tiah a timi hi profet Isiah nih, “Amah dah ti lo cu Pathian dang an um loh,” tiah a rak timi tlinnak zong kha a si. ( Isiah 44 : 6 )..

Cucaah kan hngalh awk a simi cu Jesuh Khrih hi Pathian kan Pa a simi Bawipa Yahweh hrimhrim nih vawlei ah a rak thlahmi a si ti kha kan hngalh zungzal awk a si. Zeicatiah cun Judah miphun pawl zong nih cun pei an hngalh lo caah cun Jesuh cu, “Aho ka si na ti dah cu?” tiah an hal kha. ( Johan 8 : 25 ). Cu tikah Jesuh nih a lehmi hna cu, “A hramthawk tein kan chimh lengmangmi hnakha hen ta. Nanmah kong ah hin bia chim awk tampi ka ngei. Nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna. ( Johan 8 : 26 ). Zeicatiah cun Pathian kan Pa a simi Bawipa Yahweh nih a Fapa ngeihchun Jesuh Khrih cu vawlei ah a thlahmi a si bantukin a Pa sinin a theihmi biatak lawnglawng kha a chimmi cu a si ve. A ruang cu Jesuh nih hin Pathian kan Pa a simi Bawipa Yahweh nih Moses sinah le profet Isaiah sinah a rak chimmi biatak kong kha Jesuh nih cun a chim than hna caah khan a si. Cucaah Judah miphun pawl zong nih hin Pathian kan Pa a simi Bawipa Yahweh kong a kan chimh ti kha an hngal thiam kho hrimhrim ve loh. ( Johan 8 : 27 )..

Judah miphun hna nih an hngalhthiam khawh lomi Jesuh Khrih biachimmi cu hihi a si. Cucu Jesuh nih, “Nannih cu hika tanglei vawlei mi hi nan si, kei cu cunglei in a rami ka si. Nannih cu hi vawlei hi nan umnak a si, kei cu a si lo. Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a timi hi a si. ( Johan 8 : 24 ). Hi kongah hin Hebru catialtu zong nih, “Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim,” tiah a timi tlinnak zong kha a si. ( Hebru 1 : 2 ). Hika zawn teah hin langhter ka duh thanmi cu Hebru catialtu nih atu kan chan, cham hmanung bik a simi ah hin kan sinah a Fapa in bia a chim tiah a tikah hin kan hngalh awk a simi cu Jesuh Khrih nih a chimmi bia hna hi a Pa kan Pathian a simi Bawipa Yahweh sinin a theihmi le a hngalhmi bia lawng te a si caah amah Jesuh zong nih, “A ka daw lomi paoh nih ka bia kha an ngai lo. Ka chimmi bia nan theihmi hi keimah bia a si lo, a ka thlahtu ka Pa bia a si,” tiah a tinak kha a si. ( Johan 14 : 24 )..

Cucaah cun Khrih ah dawtmi u la nau hna ruah lengmang ah hin Oneness nih an Doctrine hi an i palh cikcek ko tiin ka hmuh bak. Bible a dang an i chirchanmi pawl zong kha Pathian thawngin tial ka zuam zungzal rih ko lai. Hi ka tialmi hi soisel ah ruat hrimhrim hlah u. Zeicatiah Pathian kan Pa a simi Bawipa Yahweh nih a biatak hngalhter an duh hna caah khan a si. Cu bantukin Jesuh zong nih, “Biatak cu nan hngalh lai i cu biatak nih cun an luatter hna lai,” tiah a kan ti. ( Johan 8 : 32 ). Careltu nan dihlak cungah daihnak Pathian cu zungzal ko seh..

Thanks You For All;

Leave a Reply

Your email address will not be published. Required fields are marked *